ۇلتتىق بانك وزگە بانك كليەنتتەرىنىڭ تەلەفون ءنومىر مەن QR كود ارقىلى اقشا اۋدارۋ جۇيەسىن قوستى
«جۇيە قارجىلىق قىزمەتتەردى تۇتىنۋشىلارعا قىزمەت كورسەتەتىن قاندايدا ءبىر بانككە قاراماستان، ونلاين قولجەتىمدى بولۋى ءۇشىن جانە تولەم قۇرالدارىن پايدالاناتىن ىڭعايلى ءارى قاراپايىم تولەم سەرۆيسىن ۇسىنۋ ماقساتىندا ازىرلەنگەن. جۇيەنىڭ فۋنكتسيونالدىعى ۇيالى تەلەفون ءنومىرى ارقىلى اۋدارىمداردى جانە ءارتۇرلى بانكتىڭ كليەنتتەرى اراسىندا QR كود ارقىلى تولەمدەردى جۇزەگە اسىرۋعا مۇمكىندىك بەرەدى. جەدەل جۇيە قارجى ينستيتۋتتارى ۇسىناتىن تسيفرلىق قىزمەتتەردىڭ اۋقىمىن دامىتىپ، كەڭەيتۋگە نەگىز بولا الادى»، - دەلىنگەن ق ۇ ب مالىمدەمەسىندە.
سەرۆيستەر 2 كەزەڭدە ىسكە قوسىلماق. ءبىرىنشى كەزەڭ - جەكە تۇلعالاردىڭ تەلەفون ءنومىرى بويىنشا اۋدارىمدار. ەكىنشى كەزەڭ - QR- كود ارقىلى قولما- قول اقشاسىز تولەمدەر (ۇلتتىق QR- كود ستاندارتىنا سايكەس) جانە ساۋدا ۇيىمدارىنىڭ پايداسىنا جاڭا تولەم سەناريلەرىن، ونىڭ ىشىندە سۇرانىس بويىنشا تولەمدەردى جۇزەگە اسىرۋ.
«تەلەفون ءنومىرى بويىنشا اۋدارىم جاساۋ ءۇشىن اقشا جونەلتۋشى ءوز بانكىنىڭ - جەدەل تولەمدەر جۇيەسى قاتىسۋشىسىنىڭ ۇيالى قوسىمشاسىندا الۋشىنىڭ ۇيالى تەلەفون ءنومىرىن ەنگىزىپ، اۋدارىم سوماسىن جانە الۋشىنىڭ بانكىن كورسەتۋ جەتكىلىكتى بولادى. اۋدارىلعان اقشا الۋشىعا ونىڭ ج ت ج قاتىسۋشى بانكتەگى شوتىنا لەزدە تۇسەدى. ال، بانكتەر ءوز كليەنتتەرى ءۇشىن P2P- اۋدارىم قىزمەتتەرىنىڭ ءتاريفىن دەربەس بەلگىلەيدى»، - دەپ تولىقتىرادى ق ۇ ب ماماندارى.
بۇگىنگى تاڭدا ەكىنشى دەڭگەيلى 9 بانك جەدەل تولەم جۇيەسىنە قاتىسۋ تۋرالى كەلىسىم جاساستى، ونىڭ 4 ءى ءوز كليەنتتەرىنە جۇيەنى قوسىپ قويدى، قالعان 5 بانك قوسىلۋ پروتسەسىندە. جاڭا قىزمەت وسى بانكتەردىڭ ءموبيلدى قوسىمشالارىنداعى ىشكى پروتسەستەردىڭ جەتىلدىرىلۋىنە قاراي پايدا بولادى. سەرۆيستىڭ ىسكە قوسىلعانى كليەنتكە قىزمەت كورسەتۋشى بانكتەن حابارلانادى.
