قۇلاعىمىز قالاي ەستيدى؟

ەستۋ ورگانىنىڭ سىرتتان كورىنەتىن جالعىز ءبولىمى بولعان قۇلاق قالقانى، كەلگەن دىبىستاردى جيناپ، سىرتقى قۇلاق جولىنا جىبەرەدى. شامامەن 2،5 س م ۇزىندىقتاعى بۇل جولدىڭ سوڭىندا «دابىل جارعاق» دەپ اتالاتىن جۇقا جانە كەرۋلى ءبىر پەردە بولادى.

بۇل پەردەگە ۇرىلعان دىبىس تولقىندارىنان پايدا بولعان تەربەلىستەر ورتاڭعى قۇلاقتاعى بالعاشىق، توسشە، ۇزەڭگى جانە جاسىمىق اتتى ءتورت سۇيەكشە تاراپىنان ودان دا كۇشەيتىلگەن تۇردە، ىشكى قۇلاققا جەتكىزىلەدى. ىشكى قۇلاقتا «قۇلاقتىڭ قۇرىشى» دەپ اتالاتىن ءىشى سۇيىقتىقپەن تولى ءبىر اينالمالى جول بار. قۇلاقتىڭ قۇرىشىنداعى اينالمالى كانالداردا «كورتي مۇشەسى» دەپ اتالاتىن جىڭىشكە، تالشىقتى جاسۋشالار بولادى. ميعا باراتىن ەستۋ نەرۆتەرىنىڭ جىڭىشكە ۇشتارى وسى جاسۋشالارعا بايلانعان.

ورتا قۇلاقتاعى ءتورت كىشكەنتاي سۇيەكشەلەردىڭ جەتكىزگەن دىبىس تەربەلىستەرى وسى بولىمگە (قۇلاق قۇرىشىنا) جەتكەندە قۇلاقتىڭ قۇرىشىنداعى كانالدارداعى سۇيىقتىق شايقالا باستايدى. بۇل ارەكەت كانالدارداعى كورتي مۇشەسىن تەربەلىسكە تۇسىرەدى. كورتي مۇشەسىنىڭ تالشىقتارى بۇل تەربەلىستىڭ ناتيجەسىندە تولقىندالىپ نەرۆ ۇشتارىن تىتىركەندىرەدى جانە بۇل تىتىركەنۋ ەلەكتر يمپۋلسى كۇيىندە ميدىڭ ەستۋ ورتالىعىنا جەتكىزىلگەندە، دىبىس تۇسىنىلەتىن حالگە كەلەدى.