«قازگيدرومەت» ر م ك 25-قازانداعى اۋا رايى بولجامىن جاريالادى

استانا. KAZINFORM - «قازگيدرومەت» ر م ك 25 قازانداعى اۋا رايى بولجامىن جاريالادى.

سينوپتيكتەردىڭ بولجامىنشا، سولتۇستىك انتيتسيكلون اسەرىنەن ەلىمىزدىڭ باسىم بولىگىندە جاۋىن-شاشىنسىز اۋا رايى ساقتالادى. تەك سولتۇستىك-باتىستا، سولتۇستىكتە، ورتالىق پەن وڭتۇستىكتىڭ تاۋلى اۋداندارىندا فرونتالدى بولىمدەردىڭ وتۋىمەن جاۋىن-شاشىن بولادى. بۇل ايماقتاردا جاڭبىر جاۋادى.

رەسپۋبليكانىڭ ءبىراز اۋماعىن تۇنگى جانە تاڭەرتەڭگى ۋاقىتتا تۇمان باسادى. ەلىمىزدىڭ سولتۇستىگى مەن وڭتۇستىك-شىعىسىندا جەل كۇشەيەدى.

استانا قالاسىندا كۇن بۇلتتى، اۋا تەمپەراتۋراسى 10+12+ گرادۋس بولادى.

الماتىدا كۇن جىلى، تەرمومەتر 20+22+ گرادۋستى كورسەتەدى.

ال شىمكەنت قالاسىندا 23+25+ جىلى بولادى.

ايتا كەتەيىك، قازاقستاننىڭ 15 وبلىسىندا اۋا رايىنا بايلانىستى ەسكەرتۋ جاريالاندى.