ەلورداعا QazVac ۆاكسيناسىنىڭ جاڭا پارتياسى جەتكىزىلدى

نۇر- سۇلتان. قازاقپارات - وتكەن دەمالىس كۇندەرى ەلوردانىڭ قوعامدىق دەنساۋلىق ساقتاۋ باسقارماسىنىڭ قويمالارىنا كوروناۆيرۋسقا قارسى وتاندىق ۆاكسينانىڭ 6 مىڭ دوزاسى ( 1 جانە Ⅱ كومپونەنتتىڭ ءارقايسىسىنان 3000 دوزا)، دەپ حابارلايدى قازاقپارات.

قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، قازاقستاندىق ۆاكسينا مەديتسينالىق ۇيىمداردا، ساۋدا، ويىن- ساۋىق ورتالىقتارىندا جانە ساۋدا ۇيلەرىندە ەگىلەتىن بولادى.

«QazVac ۆاكسيناسى دەمالىس كۇندەرى جەتكىزىلدى. بۇل جولى ۆاكسينالار ب م س ك ۇيىمدارىنا، س و و جانىنداعى ەگۋ پۋنكتەرىنە تاراتىلدى. ياعني، ازاماتتار QazVac-تى ءوز قالاۋى بويىنشا قالاداعى ۆاكسيناتسيا پۋنكتەرىنەن الا الادى»، - دەلىنگەن باسقارما حابارلاماسىندا.

بۇگىنگى تاڭدا ەلوردادا ۆاكسيناتسيانىڭ 1 - كومپونەنتىن 170 مىڭعا جۋىق ادام قابىلدادى. ال باسقارما قويمالارىندا «سپۋتنيك- V « پرەپاراتىنىڭ 1 -كومپونەنتىنىڭ شامامەن 12 مىڭ دوزاسى جانە قىتايلىق «Hayat Vax» - تىڭ 1 -كومپونەنتىنىڭ شامامەن 18 مىڭ دوزاسى بار.