قازاقستاندىق ۆاكسينا نەگە ءالى كۇنگە دەيىن د د ۇ ماقۇلداۋىنان وتپەي جاتىر
استانا. KAZINFORM - دەنساۋلىق ساقتاۋ ءمينيسترى اقمارال ءالنازاروۆا ۇكىمەت وتىرىسىنان كەيىن وتكەن باسپا ءسوز ءماسليحاتىندا QazVac ۆاكسيناسىنىڭ نەگە ءالى كۇنگە دەيىن د د ۇ ماقۇلداۋىنان وتپەي جاتقانىن ايتتى.
ونىڭ سوزىنشە، دۇنيەجۇزىلىك دەنساۋلىق ساقتاۋ ۇيىمى قازاقستان تاراپىنىڭ ءوتىنىشىن قاراستىرعان.
«سەرتيفيكات بەرۋ ءۇشىن ءوندىرۋشى زاۋىت قوسىمشا ءوندىرىس جەلىسىن سالۋمەن بايلانىستى شارتتاردى ورىنداۋ قاجەت. قازىر سول جۇمىستار ءجۇرىپ جاتىر. سوندىقتان كۇن تارتىبىنەن ءالى تۇسكەن جوق. مەن بۇل ءىستى اياعىنا دەيىن جەتكىزۋىمىز كەرەك دەپ ويلايمىن»، - دەدى ول ب ا ق وكىلىنىڭ سۇراعىنا بەرگەن جاۋابىندا.
مينيستر قازىر ەكپەنىڭ بۇل ءتۇرى پاندەميا كەزىندەگى كولەممەن ءوندىرىلىپ جاتپاعانىن اتاپ ءوتتى.
«ءبىراق قاجەت بولسا، ەپيدەميولوگيالىق جاعدايعا بايلانىستى ءوندىرىستى قايتا جانداندىرۋعا مۇمكىندىك بار»، - دەدى اقمارال ءالنازاروۆا.
اۆتور
ەسىمجان ناقتىباي
