19:26, 27 - ماۋسىم 2022 | GMT +6
QazVac ۆاكتسيناسىنىڭ III كلينيكالىق سىناق ناتيجەسى جاريالاندى
نۇر-سۇلتان. قازاقپارات - بەدەلدى الەمدىك LANCET جۋرنالىندا قازاقستاندىق عالىمدار ازىرلەپ شىعارعان QazVac ۆاكتسيناسىنىڭ كلينيكالىق سىناقتارى III كەزەڭىنىڭ ناتيجەلەرى جاريالاندى، دەپ حابارلايدى قازاقپارات.
بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ ديرەكتورى كۇنسۇلۋ زاكاريانىڭ جەتەكشىلىگىمەن COVID-19-عا قارسى QazVac ۆاكتسيناسى ازىرلەنگەن ەدى.
ق ر دەنساۋلىق ساقتاۋ مينيسترلىگى دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمدارىنا سايكەس ۆاكتسينا بويىنشا III فازالىق كلينيكالىق سىناقتار وتكىزىلدى.
سىناق ناتيجەلەر ۆاكتسينانىڭ ادام ءۇشىن تيىمدىلىگى مەن قاۋىپسىز، سونداي-اق جوعارى يممۋنيتەتتى قالىپتاستىرا الاتىن مۇمكىندىكتى كورسەتتى.
ايتا كەتسەك، EClinicalMedicine, The Lancet جۋرنالى مەديتسينالىق جانە دەنساۋلىق ساقتاۋ سالاسىنداعى ءتۇپنۇسقا زەرتتەۋلەردى جانە COVID-19 ۆاكتسيناسىن ازىرلەۋ مەن زەرتتەۋدەگى سوڭعى جەتىستىكتەردى جاريالايتىن الەمدىك باسىلىم.