قازاۆتوجول جۇرگىزۋشىلەرگە ەسكەرتۋ جاسادى
«كازگيدرومەت» اقپاراتىنا سايكەس، 7-اقپاننان باستاپ 9-اقپانعا دەيىن ەلىمىزدىڭ ءبىرقاتار وبلىستارىندا اۋا رايى بۇزىلادى.
وسىعان بايلانىستى قازاۆتوجول جۇرگىزۋشىلەرگە ەسكەرتۋ جاسادى.
«قۇرمەتتى رەسپۋبليكالىق ماڭىزى بار اۆتوجولداردى پايدالانۋشىلار!
جەتىسۋ، اقمولا، اقتوبە، جامبىل، پاۆلودار، قىزىلوردا، قوستاناي، اباي، سولتۇتسىك قازاقستان، تۇركىستان، قاراعاندى مەن ۇلىتاۋ وبلىستارىندا 30 م/سەك. دەيىن جەلدىڭ كۇشەيۋى، قار ارالاس جاڭبىر سالدارىنان كوكتايعاق كۇتىلۋدە. تاۋلى ايماقتارداعى قالىڭ تۇمان ءۇشىن كورۋ قاشىقتىعى تومەندەيدى»، - دەلىنگەن جازبادا.
قازىرگى تاڭدا جول قىزمەتكەرلەرى كوكتايعاققا قارسى ماتەريالداردى دايىنداپ، كۇشەيتىلگەن تارتىپتەگى جۇمىسقا كىرىسىپ كەتكەن.
«دەگەنمەن، قاۋىپسىزدىكتى قامتاماسىز ەتۋ ءۇشىن اۆتوكولىك قوزعالىسىنا ۋاقىتشا شەكتەۋ ەنگىزۋ مۇمكىندىگى تۋرالى ەسكەرتەمىز.
الىس ساپارلاردان باس تارتىپ، اسا قاجەتتىلىك بولماسا ەلدى مەكەن اۋماعىنان شىقپاۋلارىڭىزدى سۇرايمىز»،- دەپ جازدى جولشىلار.
