قازاقتار بىزدەن جاقسى ءومىر سۇرەدى: وزبەكتەر قازاقستان بايلىعىنا قىزىعۋشىلىق ءبىلدىردى

وزبەكستاندىق ەكسپەرت قازاقستان ەكونوميكاسى 1991 -جىلدان باستاپ جاقسى جۇيەلەنگەنىن ايتتى. بۇل تۋرالى Bugin.kz ءتىلشىسى Fikrat you tube ارناسىنا سىلتەمە جاساپ حابارلايدى.

«قازاقستان گەوگرافياسىنا» ارنالعان باعدارلاماعا يحتيور ەسونوۆ سپيكەر بولادى. ول قازاقستاننىڭ بايلىقتارى تۋرالى:

«قازاقستان پايدالى قازبالارعا اسا باي. «بىزدە مىنانشا التىن بار» دەپ ماقتانامىز عوي. بىزدەگى بايلىقتار قازاقستاننىڭ بايلىعىنىڭ جارتىسىنا دە جەتپەيدى. ولار وتە باي ەل. كوپ ادامدار «قازاقستان بىزدەن جاقسى ءومىر سۇرەدى، ولاردىڭ ءومىرى كەرەمەت» دەپ ايتادى. ولاردىڭ جەر استى قازبا بايلىعى كوپ. ودان تىس، قازاقستاننىڭ ەكونوميكاسى 1991 -جىلدان كەيىن دۇرىس جولعا قويىلعان. دۇنيە ءجۇزىنىڭ مۇناي قورىنىڭ ءبىراز بولىگى قازاقستاندا ورنالاسقان. ول دەگەنىمىز 39,6 ميلليارد باررەل، نەمەسە 6,5 ميلليارد توننا مۇناي. مۇنايدىڭ باسىم بولىگى كاسپي تەڭىزىندە ورنالاسقان. تابيعي گاز دا قازاقستاندا كوپ. الەمنىڭ 1,7 پايىز گازدى الەمگە قازاقستان بەرەدى. ول دەگەنىمىز 1,82 تريلليون مەتر كۋب گاز قازاقستاندا. سونىمەن قاتار، قازاقستان - ەڭ ءىرى ۋران وندىرەتىن ەلدىڭ ءبىرى. بىزدەگى ۋران ەشتەڭە ەمەس. قازاقستاننىڭ ۋرانىنىڭ قاسىندا. قازاقستان بەكەردەن بەكەرگە قۇدىرەتتى ەل ەمەس. الەمنىڭ 21 پايىز ۋرانى قازاقستاندا. ول - 1,69 ميلليون توننا ۋران. قازاقستان ساتامىن دەسە، ۋرانىنىڭ ءوزى جەتەدى. قازاقستان ۋران قازىپ الاتىن مەملەكەتتەر اراسىندا الەمدە ەكىنشى ورىندا تۇر. ەلەستەتە بەرىڭىز. سونداي-اق، قازاقستان قارا جانە ءتۇستى مەتالدارعا اسا باي. مىسالى وزبەكستاندا ءتۇستى مەتال بولعانىمەن قارا مەتال جوق. سول سەبەپتى بىزدە مەتال ءوندىرىسى قيىن. ساتىپ الۋعا ءماجبۇرمىز. ال قازاقستاندا ءبارى بار. قورعاسىن، سينك، حروميد، التىن، ۆيسمۋت، مىس، موليبدەن، اليۋميني، تەمىر رۋداسى، مارگانەتس، كومىر، فوسفوريدتەر جانە باسقا دا مەندەلەيەۆ كەستەسىندەگى بايلىقتار قازاقستاندا تولىپ جاتىر»، - دەپ قىزىعۋشىلىعىن ءبىلدىردى.