16:43, 20 - قىركۇيەك 2023 | GMT +5
قازاقستاننىڭ ۇزدىك تەننيسشىلەرى ازيا ويىندارىنا قاتىسپايدى
23- قىركۇيەك پەن 8- قازان ارالىعىندا حانجوۋدا وتەتىن ازيا ويىندارىنا قاتىساتىن قازاقستاندىق تەننيسشىلەر بەلگىلى بولدى.
بۇل تىزىمدە قۇرامانىڭ ۇزدىكتەرى ەلەنا رىباكينا مەن الەكساندر بۋبليك جوق، - دەپ حابارلايدى «دياديا ۆانيا» تەلەگرام ارناسى.
ەلەنا رىباكينا ازيا ويىندارى كەزىندە توكيوداعى WTA-500 جارىسىنا (25- قىركۇيەك پەن 1- قازان ارالىعى) قاتىسۋدى ۇيعارسا، الەكساندر بۋبليك چەندۋداعى تۋرنيردە باق سىناماق. العاشقىسىنىڭ جۇلدە قورى 780 مىڭ دوللار بولسا، كەيىنگى تۋرنيردىڭ جۇلدەسى 1,153 ميلليون ەۋرونى قۇرايدى.
سونىمەن حانجوۋداعى ازيا ويىندارىنا قازاقستان اتىنان دميتري پوپكو، بەيبىت جۇقايەۆ، گريگوري لوماكين، دەنيس ەۆسەيەۆ، جىبەك قۇلامبايەۆا، گوزال اينيتدينوۆا، ارۋجان ساگاندىكوۆا جانە جانەل رۋستەموۆا قاتىسادى.
