قازاقستاننىڭ سىرتقى ىستەر ءمينيسترى قىتاي ەلشىسىن قابىلدادى

قازاق
فوتو: gov.kz

قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ قىتايدىڭ قازاقستانداعى ەلشىسى جاڭ شياۋدى قابىلدادى، دەپ حابارلايدى BAQ. KZ.

كەزدەسۋ بارىسىندا تاراپتار قازاقستان- قىتاي ىنتىماقتاستىعىنىڭ ماسەلەلەرىن تالقىلادى، سونداي-اق ونى ودان ءارى دامىتۋ پەرسپەكتيۆالارى تۋرالى پىكىر الماستى.

سۇحباتتاستار اعىمداعى جىلى جوسپارلانعان اسا جوعارى جانە جوعارى دەڭگەيدەگى ەكىجاقتى ساپارلار مەن ءىس-شارالار كەستەسىن قاراستىردى. كوپجاقتى قۇرىلىمدار شەڭبەرىندەگى ەلدەردىڭ ءوزارا ءىس-قيمىلىنا بولەك نازار اۋدارىلدى.

م. نۇرتىلەۋ ساۋدا- ەكونوميكالىق بايلانىستاردى ارتتىرۋ بويىنشا بىرلەسكەن كۇش-جىگەرگە ەرەكشە نازار اۋداردى. اتاپ ايتقاندا، ەكى ەل اراسىنداعى ترانزيت- كولىكتىك ىنتىماقتاستىقتى دامىتۋدىڭ جانە قازاقستاننىڭ قىتايعا شيكىزاتتىق ەمەس ەكسپورتىن ارتتىرۋدىڭ ماڭىزدى ءرولى اتالىپ ءوتتى.

ءوز كەزەگىندە جاڭ شياۋ كوتەرىلگەن ماسەلەلەردىڭ ماڭىزدىلىعىن ايتىپ، قىتايلىق تاراپتىڭ اتالعان سۇراقتار بويىنشا بەلسەندى ءوزارا ىقپالداسۋعا دايىن ەكەنىن ءبىلدىردى. ول قىتايدىڭ قازاقستانداعى ەلشىلىگى اعىمداعى جىلى جوسپارلانعان ءىس-شارالاردى ويداعىداي ۇيىمداستىرۋ ماقساتىندا تىعىز ارەكەتتەسۋدى جالعاستىراتىنىن حابارلادى.

سوڭعى جاڭالىقتار