قازاقستاننىڭ سىرتقى ساۋدا اينالىمى 100 ميلليارد ا ق ش دوللارىنان استى

ەلىمىزدەگى شاعىن جانە ورتا بيزنەس سۋبەكتىلەرىنىڭ 36 پايىزى ساۋدامەن اينالىسىپ ءجۇر. بۇل تۋرالى پارلامەنت ماجىلىسىندە ساۋدا ساياساتىن دامىتۋعا ارنالعان ۇكىمەت ساعاتىندا ساۋدا جانە ينتەگراتسيا ءمينيسترى ارمان شاققاليەۆ ايتتى، دەپ حابارلايدى Kazinform.

«بارلىق شاعىن جانە ورتا بيزنەس سۋبەكتىلەرىنىڭ 36 پايىزى، ياعني 1,8 ميلليوننان 730 مىڭى ساۋدامەن اينالىسادى. الەۋمەتتىك باعىت بويىنشا ساۋدا سالاسى 1-ورىندا تۇر، 1,5 ميلليونان استام ادامدى جۇمىس ورىندارىمەن قامتاماسىز ەتىپ وتىر. ال جالپى ىشكى ونىمگە ەكونوميكالىق ۇلەس بويىنشا - 2-ورىندا» ، - دەدى ا. شاققاليەۆ.

ونىڭ سوزىنە قاراعاندا، 11-ايدا ساۋداعا تارتىلعان ينۆەستيتسيا كولەمى 410,6 ميلليارد تەڭگەنى قۇرادى، بۇل بىلتىرمەن سالىستىرعاندا 41,3 پايىزعا جوعارى. ىشكى تاۋار اينالىمى 21,1 پايىزعا ءوسىپ، 53,6 تريلليون تەڭگەگە جەتتى (2022 -جىلدىڭ 11-ايىندا - 44,3 تريلليون تەڭگە).

«ساۋدانىڭ ناقتى كولەم يندەكسى 111,3 پايىزدى قۇرادى (2022 -جىلدىڭ 11-ايىندا - % 104,8). سىرتقى ساۋدا قىزمەتىندە دە وڭ ديناميكا بايقالدى. 2023 -جىلدىڭ 10 ايىنىڭ قورىتىندىسى بويىنشا سىرتقى ساۋدا اينالىمى 114,1 ميلليارد دوللاردى قۇراپ، بىلتىرعى سايكەس كەزەڭىمەن سالىستىرعاندا 2,6 پايىزعا (111-دە,3 ميلليارد دوللار) جەتتى.

اۆتور

رۋسلان عابباسوۆ