قازاقستاننىڭ قاي وڭىرىندە تاڭقۋراي مەن شيە باعاسى تومەن

Kazinform بۇگىندە سۇرانىسقا يە شيە مەن تاڭقۋراي باعاسىن سالىستىردى.

قازىرگى كەزدە بازاردا جەمىس-جيدەك ءتۇرى كوبەيدى. ال ەندى پىسكەن تاڭقۋراي مەن شيە باعاسى 500 تەڭگەدەن باستالىپ 4000 تەڭگەگە جەتتى. كوبىن تەگىن جارناما سايتتارىنان تابۋعا بولادى. سونىمەن بىرگە باۋ-باقشا باپتايتىن ادامدار دا ءوز ءونىمىن ساتىپ جاتىر.

شيە باعاسى

شيە باعاسى ەلىمىزدىڭ وڭتۇستىك وڭىرلەرىندە ارزان. قىزىلوردا، تۇركىستان، شىمكەنت پەن تارازدا كەلىسى 500-700 تەڭگەگە ساتىلىپ جاتىر.

تالدىقورعاندا كەلىسى 750-1000 تەڭگە، ورال مەن قوستانايدا 800-1000 تەڭگە.

پاۆلودار، قونايەۆ، اتىراۋ مەن الماتىدا شيەنىڭ كەلىسى شامامەن 800-1200 دەپ كورسەتىلگەن.

اقتوبەلىكتەر بولسا كەلىسىن 1000 تەڭگەگە، ال قاراعاندىلىقتار 1000-1500 تەڭگەگە ساتىپ الىپ جاتىر.

استانادا باعا جوعارى. كەلىسى - 1600-2300 تەڭگە. ال كوكشەتاۋدا باعا ءسال جوعارى. كەلىسى - 1800 تەڭگە.

جەزقازعاندا باعا 2000 تەڭگەدەن باستالىپ تۇر. اقتاۋدا كەلىسى 2500-3000 تەڭگەگە ساتىلىپ جاتىر.

شيە باعاسى ءۇش وڭىردە جوعارى. پەتروپاۆلدا كەلىسى 2600 تەڭگە بولسا، وسكەمەن مەن سەمەيدە ءتىپتى 4000 تەڭگەدەن ءبىر كەلىسىن الا الاسىز.

تاڭقۋرايدىڭ كەلىسى 1500 تەڭگەدەن باستالادى

تاڭقۋراي دا ەلىمىزدىڭ وڭتۇستىك وڭىرىندە ارزان. تۇركىستان، تالدىقورعان، الماتى مەن قونايەۆتا كەلىسى 1500 تەڭگەدەن باستالىپ، 1800 تەڭگەگە دەيىن جەتەدى. شىمكەنتتە تاڭقۋرايدىڭ كەلىسى - 1600-2100 تەڭگە.

قاراعاندىدا باعا 2000-2500 تەڭگە دەپ كورسەتىلگەن. ال قىزىلوردادا باعا 2500 تەڭگەدەن باستالادى.

قوستاناي مەن تاراز تۇرعىندارى تاڭقۋرايدىڭ كەلىسىن 2500-2700 تەڭگەگە ساتىپ الىپ ءجۇر.

پاۆلوداردا كەلىسى - 2700-2800 تەڭگە.

كوكشەتاۋ مەن پاۆلوداردا كەلىسى - 2800 تەڭگە، ال اقتاۋ، ورال، جەزقازعان، سەمەي مەن وسكەمەندە كەلىسى - 3000 تەڭگە.

ەلىمىزدىڭ ورتالىعى مەن باتىستا باعا بىركەلكى. اقتوبە، اتىراۋ مەن استانادا كەلىسى 3500-4000 تەڭگە.

ەسكە سالساق، Kazinform بۇعان دەيىن كادى مەن بايالدى باعاسىن سالىستىردى.