قازاقستاننىڭ قاي وڭىرلەرىندە جالاقى ءوستى؟

استانا. قازاقپارات - قازاقستاندا 2025-جىلدىڭ العاشقى توقسانىندا نومينالدى جالاقى وسسە دە، ازاماتتاردىڭ ساتىپ الۋ قابىلەتى تومەندەگەنى بايقالادى.

بۇل تۋرالى Finprom.kz پورتالى مالىمدەدى.

2025-جىلدىڭ ءبىرىنشى توقسانىندا ورتاشا ايلىق جالاقى 423,1 مىڭ تەڭگەنى قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 9,2 پايىزعا جوعارى. الايدا ناقتى جالاقىنىڭ ءوسىمى مۇنداي قارقىنمەن ارتپاعان، ياعني ساتىپ الۋ قابىلەتى باياۋ وسۋدە.

ەڭ جوعارى جالاقى قاي وڭىرلەردە تىركەلدى؟

نومينالدى جالاقى بويىنشا كوشباسشى وڭىرلەر:

اتىراۋ وبلىسى - 634,2 مىڭ تەڭگە

ماڭعىستاۋ وبلىسى - 621,3 مىڭ تەڭگە

ۇلىتاۋ وبلىسى - 599 مىڭ تەڭگە

ال ەڭ تومەن جالاقى تولەنەتىن وڭىرلەر:

سولتۇستىك قازاقستان وبلىسى - 300,1 مىڭ تەڭگە

جەتىسۋ وبلىسى - 308,4 مىڭ تەڭگە

جامبىل وبلىسى - 308,9 مىڭ تەڭگە

نومينالدى جالاقى ءوسىپ جاتقانىمەن، ناقتى جالاقى تومەندەۋدە

قازاقستاننىڭ 20 ءوڭىرىنىڭ التاۋى 2025-جىلدىڭ العاشقى توقسانىندا ناقتى جالاقى يندەكسىنىڭ تومەندەۋىن كورسەتتى. بۇل - ازاماتتاردىڭ ساتىپ الۋ قابىلەتىنىڭ دە ازايعانىن بىلدىرەدى. ياعني، قازىرگى جالاقى وتكەن جىلعىداي تاۋار مەن قىزمەت الۋعا جەتكىلىكسىز.

ناقتى جالاقىسى تومەندەگەن وڭىرلەر:

باتىس قازاقستان وبلىسى - مينۋس 5,2 پايىز

اتىراۋ وبلىسى - مينۋس 3,9 پايىز

شىعىس قازاقستان وبلىسى - مينۋس 1,9 پايىز

قىزىلوردا وبلىسى - مينۋس 1,2 پايىز

اقمولا وبلىسى - مينۋس 1,1 پايىز

ماڭعىستاۋ وبلىسى - مينۋس 0,8 پايىز

قاي وڭىرلەردە ساتىپ الۋ قابىلەتى ارتتى؟

قاراعاندى وبلىسى - ەلدەگى ناقتى جالاقى وزگەرمەگەن جالعىز ءوڭىر، ياعني يندەكس بۇرىنعى دەڭگەيدە ساقتالعان.

ساتىپ الۋ قابىلەتى ارتقان وڭىرلەر:

اباي وبلىسى - 0,6 پايىز ءوسىم

ۇلىتاۋ وبلىسى - 9,1 پايىز ءوسىم (ەڭ جوعارعى كورسەتكىش)

باسقا وڭىرلەردە دە ناقتى جالاقى يندەكسىنىڭ ءوسۋى تىركەلگەن.