قازاقستاننىڭ قاي وڭىرلەرىندە اپتاپ ىستىق بولادى؟

استانا. KAZINFORM - «قازگيدرومەت» سينوپتيكتەرى 20، 21 جانە 22-مامىرعا ارنالعان اۋا رايى بولجامىن جاريالادى.

جاڭبىر، نايزاعاي جانە تەمپەراتۋرانىڭ كوتەرىلۋى

الداعى كۇندەرى قازاقستان اۋماعىندا تسيكلوندىق ارەكەت كۇشەيەدى. سوعان بايلانىستى جاڭبىر، نايزاعاي، بۇرشاق، ەكپىندى جەل مەن داۋىل كۇتىلەدى. تەك ەلدىڭ شىعىسىندا، 20-21-مامىردا وڭتۇستىك پەن وڭتۇستىك-شىعىستا جاۋىن-شاشىنسىز اۋا رايى بولجانىپ وتىر.

«كۇشتى جاڭبىر 20-مامىر تۇنىندە باتىس قازاقستان وبلىسىندا، 22-مامىر كۇنى اقتوبە وبلىسىندا جاۋۋى مۇمكىن. وڭتۇستىك پەن وڭتۇستىك-شىعىستا شاڭدى داۋىل كۇتىلەدى. ال وڭتۇستىك-باتىس پەن شىعىس وڭىرلەردە تۇمان تۇسەدى»، - دەلىنگەن حابارلامادا.

قازاقستانداعى اۋا تەمپەراتۋراسى قالاي وزگەرەدى؟

باتىس پەن سولتۇستىك-باتىستا: كۇندىزگى تەمپەراتۋرا 18-28 گرادۋستان 15-25 گرادۋسقا دەيىن تومەندەيدى؛

سولتۇستىكتە: كۇندىز 20-26 گرادۋستان 20-29 گرادۋسقا دەيىن كوتەرىلەدى؛

ورتالىق پەن شىعىستا: 20-28 گرادۋستان 22-33 گرادۋسقا دەيىن كوتەرىلەدى؛

وڭتۇستىكتە: 25-35 گرادۋستان 28-38 گرادۋسقا دەيىن ىستىق بولادى؛

وڭتۇستىك-شىعىستا: 22-30 گرادۋستان 30-38 گرادۋسقا دەيىن قاتتى ىستىق كۇتىلەدى.

مامىرداعى اۋا رايى قانداي بولادى؟

بۇعان دەيىن «قازگيدرومەت» مامىر ايىنداعى اۋا رايى جايلى مالىمەت بەرگەن ەدى. سينوپتيكتەردىڭ بولجامىنشا، كوكتەمنىڭ سوڭعى ايىندا ەلدىڭ باسىم بولىگىندە اۋا تەمپەراتۋراسى قالىپتىدان 1 گرادۋس جوعارى بولادى.