قازاقستاننىڭ ءار وڭىرىندە 1 بولمەلى پاتەردى جالعا الۋ باعاسى قانشا
استانا. KAZINFORM - ستاتيستيكا كورسەتىپ وتىرعانداي، ەلىمىزدەگى 20 ميلليوننان استام ادامنىڭ تەك 9,5 ميلليونىندا ءوز ءۇيى بار. سوندىقتاندا پاتەر جالداۋ باعاسى قازاقستان ازاماتتارىنىڭ تەڭ جارتىسىنان استامى ءۇشىن وزەكتى ساۋال. وسى رەتتە، Kazinform ءتىلشىسى مەملەكەتتىڭ ءار وڭىرىندە پاتەردى قانشاعا جالعا الۋعا بولاتىندىعىن انىقتاپ كوردى.
ۇلتتىق ستاتيستيكا باسقارماسىنىڭ مالىمەتىنە سۇيەنسەك، قىركۇيەك ايىندا ەل بويىنشا جالعا بەرىلەتىن تۇرعىن ءۇيدىڭ ورتاشا باعاسى %1,5 عا قىمباتتادى. باعا اسىرەسە وسكەمەن مەن قاراعاندىدا كۇرت وسكەن. بۇل ەكى ايماقتا پاتەر جالداۋ باعاسى 5 پايىزعا قىمباتتاپ وتىر. ءۇشىنشى ورىنعا كوكشەتاۋ قالاسى (%4,8) ورىن تەپكەن. سونداي-اق تالدىقورعان قالاسىندا دا پاتەر جالدايتىنداردىڭ قالتاسىنا تۇسەر سالماق ءبىرشاما اۋىرلاعان (%4,2).
حالىق اراسىندا پاتەردى جالعا الۋ باعاسى الماتى مەن استانادا عانا قىمباتتاپ جاتىر دەگەن پىكىر بار. ستاتيستيكا كورسەتكەندەي، قازاقستاننىڭ باس قالالارىندا ءۇيدى ءبىر ايعا جالعا بەرۋ قۇنى سايكەسىنشە %1,6 جانە %1,4 عا قىمباتتادى. ال ەلدەگى ءۇشىنشى ءىرى مەگاپوليس - شىمكەنتتە باعا 2,5 پايىزعا وسكەن.
ۇلتتىق ستاتيستيكا بيۋروسىنىڭ دەرەگىنشە، قازاقستاندا جالعا بەرىلەتىن پاتەردىڭ ءبىر شارشى مەترىنىڭ باعاسى قىركۇيەك ايىندا 4471 تەڭگەنى قۇرادى. ەڭ جوعارى باعا الماتىدا - 5364 تەڭگە.
ەڭ تومەنگى باعا تاراز قالاسىندا - 2074 تەڭگە.
ەل ايماقتارىندا ءبىر بولمەلى پاتەردى 1 ايعا جالعا الۋدىڭ باعاسى كەلەسىدەي:
قىركۇيەك ايىنىڭ سوڭىندا ءبىر توپ ماجىلىسمەن ق
ر ونەركاسىپ جانە قۇرىلىس مينيسترلىگىنە پاتەردى جالعا بەرۋ نارىعىن رەتتەۋدى، شەكتى باعانى ەنگىزۋدى جانە بارلىق جالعا بەرىلەتىن پاتەرلەردى جايلىلىق دەڭگەيى بويىنشا جىكتەۋدى ۇسىنعان بولاتىن.
بۇل ۇسىنىستىڭ نەگىزگى ماقساتى - تۇرعىن ءۇي ساتىپ الۋعا جاعدايى جوق ازاماتتار مەن ستۋدەنتتەردى قورعاۋ. ازىرگە ماسەلە اشىق كۇيىندە قالىپ وتىر. سەبەبى حالىق قالاۋلىلارى مەملەكەتتىڭ حالىقتىڭ ءبىر ساناتىنىڭ (پاتەر يەلەرى) قۇقىعىن ەكىنشى ساناتتاعىلار (جالعا الۋشىلار) ءۇشىن نارىقتىق ەكونوميكا زاڭدارىن بۇزباي قالاي شەكتەۋى قاجەتتىگىن ناقتى ايتقان جوق.
اۆتور
تالعاتجان مۇحامەتبەك ۇلى
