قازاقستاننىڭ بيۋدجەتى جوسپاردان اسىپ ءتۇستى: 6,4 تريلليون تەڭگە

استانا. KAZINFORM - قازاقستاننىڭ مەملەكەتتىك بيۋدجەتىنىڭ كىرىستەرى جوسپارلى كورسەتكىشتەن اسىپ ءتۇستى. %17 عا جۋىق ءوسىم بايقالدى. بۇل تۋرالى ۇكىمەت ءمالىم ەتتى.

- 2026 -جىلعى I توقساننىڭ قورىتىندىسى بويىنشا مەملەكەتتىك بيۋدجەت كىرىستەرى %104,4 عا ورىندالدى. جوسپارلانعان 6,2 تريلليون ورنىنا 6,4 تريلليون تەڭگە ءتۇستى؛ جوسپار 268,7 ميلليارد تەڭگەگە اسىرا ورىندالدى. 2025 -جىلمەن سالىستىرعاندا ءوسىم 930,6 ميلليارد تەڭگەنى (%16,9+) قۇرادى رەسپۋبليكالىق جانە جەرگىلىكتى بيۋدجەتتەر جوسپارلى كورسەتكىشتەردى اسىرا ورىندادى، - دەلىنگەن حابارلامادا.

ءوسىم قازاقستاننىڭ ەكسپورتتىق تاۋارلارى باعاسى، تاۋارلار مەن كورسەتىلەتىن قىزمەتتەردى وتكىزۋ كولەمىنىڭ ارتۋى، سونداي-اق سالىقتىق جانە كەدەندىك اكىمشىلەندىرۋ ناتيجەلەرى ەسەبىنەن قامتاماسىز ەتىلدى.

2026 -جىلدىڭ العاشقى ەكى ايىندا دا بيۋدجەت كىرىستەرى جوسپاردان اسقانىن جازعان ەدىك.