قازاقستاننىڭ ەڭبەك سىڭىرگەن قايراتكەرى بايان يماشەۆا ومىردەن ءوتتى

الماتى. KAZINFORM - قازاقستاننىڭ ەڭبەك سىڭىرگەن قايراتكەرى، م. اۋەزوۆ اتىنداعى قازاق ۇلتتىق دراما تەاترىنىڭ ءارتيسى بايان يماشەۆا ومىردەن ءوتتى.

بۇل تۋرالى مۇحتار اۋەزوۆ اتىنداعى قازاق ۇلتتىق دراما تەاترى الەۋمەتتىك جەلىدەگى پاراقشاسىندا حابارلادى.

- بويىنداعى ساحنا شەبەرىنە ءتان ويلىلىق پەن دارالىق، تەاترعا، ونەرگە دەگەن ادالدىعى - قازاق تەاتر ونەرىنىڭ قاراشاڭىراعى مۇحتار اۋەزوۆ اتىنداعى قازاق ۇلتتىق دراما تەاترىنىڭ ساحناسىندا جۇزدەن اسا ءرول مەن قازاق تاريحىنداعى سان تاعدىرلى ايەلدەر بەينەسىن سومداتتى، - دەپ جازدى ۇلتتىق تەاتر.

بايان يماشەۆا (1941 -جىلى 1-ناۋرىزدا تۇركىستان وبلىسى، تۇلكىباس اۋدانى، بورسىقساي اۋىلىندا تۋعان) - اكتريسا. قازاقستاننىڭ ەڭبەك سىڭىرگەن ءارتىسى (1998). مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتريساسى (1964-جىلدان).

ەسكە سالايىق، بۇعان دەيىن الماتىدا اۋەزوۆ اتىنداعى قازاق ۇلتتىق دراما تەاترىنىڭ 99-شى ماۋسىمى اشىلعانىن جازعانبىز. وندا جوندەۋ جۇمىستارىنا جابىلعان تەاتر عيماراتى 2026 -جىلى اشىلاتىنى ايتىلعان بولاتىن.

اۆتور

دوسبول اتاجان