قازاقستاننىڭ باتىس وڭىرىنە ەسىرتكى زاتتارىن جەتكىزۋ ارنالارى جويىلدى
قازاقستاننىڭ باتىس وڭىرلەرىنە ەسىرتكى زاتتارىن جەتكىزۋ ارنالارى جويىلدى، دەپ حابارلايدى Kazinform Polisia.kz-كە سىلتەمە جاساپ.
ق ر ءى ءى م ەسىرتكىگە قارسى ءىس- قيمىل دەپارتامەنتىنىڭ جانە ب ق و پ د ەسىرتكىگە قارسى ءىس- قيمىل باسقارماسىنىڭ قىزمەتكەرلەرى ارنايى وپەراتسيا جۇرگىزۋ بارىسىندا ءوڭىرارالىق قىلمىستىق توپتىڭ قازاقستاننىڭ باتىس وڭىرلەرىنە ەسىرتكى زاتتارىن جەتكىزۋ ارنالارىن جويدى.
قىلمىستىق توپ الماتى، شىمكەنت، باتىس قازاقستان جانە اقتوبە وبلىستارىنىڭ 8 تۇرعىنىنان قۇرالعان. ولار ورال جانە اقتوبە قالالارىنداعى ازىق- تۇلىك دۇكەندەرى جەلىسى ارقىلى كوكنار ءونىمىن ساتۋمەن اينالىسقان.
قىلمىستىق توپقا قاتىسۋشىلاردىڭ ءارقايسىسىنا ءتيىسىلى جۇمىستارى بولعان: شىمكەنت قالاسىنىڭ تۇرعىنى - ۇيىمداستىرۋمەن اينالىسسا، الماتى قالاسىنىڭ تۇرعىنى - ەسىرتكى زاتتارىن جەتكىزۋشى، ال قالعاندارى ەسىرتكى زاتتارىن ازىق- تۇلىك دۇكەندەرى ارقىلى ساتۋمەن اينالىسقان.
ازىق- تۇلىك دۇكەندەرىن ءتىنتۋ كەزىندە ەسىرتكى زاتتارى، ەرىتكىش زاتتارى سالىنعان قوراپتار، گراممەن ولشەنەتىن ەلەكتروندى تارازىلار تابىلىپ، تاركىلەندى.
سونداي- اق ءار دۇكەندە قاراجاتتىڭ كىرىس جانە شىعىسىن ەسەپتەۋگە ارنالعان كاسسا جۋرنالدارى تابىلدى.
جەدەل- ىزدەستىرۋ ءىس- شارالارى بارىسىندا 994 قاپ قوسىندى قوسىلعان كوكنار ساباعى، 10 قوراپتان استام ەرىتكىش زاتى، 5 ميلليون تەڭگە كولەمىندەگى اقشالاي قاراجات، قىمبات باعاداعى 4 جەڭىل اۆتوكولىگى (قىلمىستىق ارەكەتتەن تۇسكەن قاراجاتقا الىنعان) ، DAF جۇك كولىگى تاركىلەندى. ساراپتاما قورىتىندىسى بويىنشا تاركىلەنگەن كوكنار ساباعىنىڭ جالپى سالماعى 1,635 كەلى 257 گراممدى قۇرايدى.
ق ر ق ك- ءنىڭ 262-بابى 1-بولىگى (ۇيىمداسقان توپتى نەمەسە قىلمىستىق ۇيىمدى قۇرۋ)، ق ر ق ك- ءنىڭ 262-بابى 2-بولىگى (ۇيىمداسقان توپقا نەمەسە قىلمىستىق ۇيىمعا قاتىسۋ)، ق ر ق ك- ءنىڭ 2018-بابى 1-بولىگى (قىلمىستىق جولمەن الىنعان اقشانى جانە (نەمەسە) وزگە مۇلىكتى زاڭداستىرۋ (جىلىستاتۋ) ) جانە ق ر ق ك- ءنىڭ 297-بابى 3-بولىگى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا بقو پوليتسيا دەپارتامەنتىمەن سوتقا دەيىنگى تەرگەۋ جۇمىستارى جۇرگىزىلىپ جاتىر.
