قازاقستاننىڭ باسىم بولىگىندە جاڭبىر، قار جاۋادى - قازگيدرومەت

«قازگيدرومەت» ر م ك-سى قاراشانىڭ 22 سى كۇنگى كۇن رايى بولجامىن جاريالادى، دەپ حابارلايدى Kazinform.

كاسىپورىن تاراتقان دەرەكتەرگە قاراعاندا، قازاقستان اۋماعىنىڭ باسىم بولىگىنە وڭتۇستىك كاسپي سيكلونى جانە ونىمەن بايلانىستى اتموسفەرالىق اعىندار اسەر ەتەدى. وسىعان بايلانىستى ەلىمىزدىڭ باسىم بولىگىندە جاڭبىر، قار جاۋادى. ەلىمىزدىڭ وڭتۇستىگىندە قاتتى جاڭبىر، باتىسىندا، سولتۇستىك-باتىسىندا، تاۋلى اۋدانداردا قاتتى جاۋىن، قار (جاڭبىر، قار) جاۋادى.

تەك ەلىمىزدىڭ شىعىسىندا، وڭتۇستىك- شىعىسىندا عانا كۇن جاۋىن-شاشىنسىز بولادى. قازاقستان بويىنشا تۇمان ءتۇسىپ، كوكتايعاق بولادى، جەلدىڭ جىلدامدىعى سەكۋندىنا 23-28 مەترگە جەتەدى.

باتىس قازاقستان، اتىراۋ وبلىستارىنىڭ باتىسىندا، وڭتۇستىگىندە، سولتۇستىگىندە، قوستاناي وبلىسىنىڭ وڭتۇستىگىندە، سولتۇستىك قازاقستان وبلىسىنىڭ وڭتۇستىگىندە، شىعىسىندا، اقمولا، ماڭعىستاۋ وبلىستارىنىڭ باتىسىندا، سولتۇستىگىندە جەلدىڭ كۇشى سەكۋندىنا 23-28 مەترگە، كەي ۋاقىتتاردا ەكپىنى 30 م/س-كە جەتۋى مۇمكىن.