قازاقستاننىڭ استىعىن يمپورتتايتىن ەلدەردىڭ قاتارى ارتتى
استانا. KAZINFORM - ەلىمىز 5 جىلدىق ۇزىلىستەن كەيىن ازەربايجان، گرۋزيا مەن تۇركياعا استىق جونەلتە باستادى، دەپ حابارلايدى 24KZ.
يتالياعا دا بيداي ەكسپورتىنىڭ كولەمى ۇلعايىپ كەلەدى. سونداي-اق قازاقستان بەلگيا، پولشا، پورتۋگاليا، نورۆەگيا، ۇلى بريتانيا سياقتى ەۋروپالىق نارىقتارعا استىق تاسىمالىن جولعا قويۋعا نيەتتى. سالا ماماندارىنىڭ ايتۋىنشا، ماروككو مەن بىرىككەن اراب امىرلىكتەرى دە ءبىزدىڭ ونىمگە قىزىعۋشىلىق تانىتىپ وتىر. ءتىپتى ازىق-تۇلىك كەلىسىمشارت كورپوراتسياسى ماروككوعا العاشقى 60 مىڭ توننا بيدايدى جونەلتىپ ۇلگەردى. ۆەتنامعا العاشقى 15 مىڭ توننا ءداندى داقىلدى جەتكىزۋ جايىندا كەلىسىمشارت جاسالعان.
بىلتىرعى جىلدىڭ قىركۇيەگىنەن بيىلعى ءساۋىر ايىنا دەيىن ەلىمىز 7,6 ميلليون توننا استىق ءونىمىن ەكسپورتتاپ، تاسىمال كولەمىن وتكەن جىلدىڭ سايكەس كەزەڭىمەن سالىستىرعاندا %58 ارتتىردى. اۋىل شارۋاشىلىعى مينيسترلىگىنىڭ حابارلاۋىنشا، سولتۇستىك افريكا جانە ەۋرووداق ەلدەرىنە قارا جانە بالتىق تەڭىزدەرىنىڭ پورتتارى ارقىلى 2 ميلليون تونناعا دەيىنگى كولەمدە استىق تاسىمالداۋ ماسەلەسى پىسىقتالىپ جاتىر. ەلىمىزدىڭ اۋىل شارۋاشىلىعى مينيسترلىگى بيىل ءونىم بىتىك شىقسا، ەكسپورت كولەمى 12 ميلليون تونناعا جەتۋى مۇمكىن دەپ جوسپارلاپ وتىر.
