قازاقستاننىڭ 6 كومپانياسى يوردانياعا قوي مەن سيىر ەتىن ەكسپورتتايدى
استانا. KAZINFORM - بۇل تۋرالى اۋىل شارۋاشىلىعى مينيسترلىگىندە ق ر اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ وكىلدەرى مەن يوردانيا حاشيميت كورولدىگىنىڭ ۆەتەريناريالىق قىزمەتى دەلەگاتسياسىنىڭ كەزدەسۋىنەن ءمالىم بولدى.
ق ر اۋىل شارۋاشىلىعى مينيسترلىگى باسپا ءسوز قىزمەتىنىڭ حابارلاۋىنشا، كەزدەسۋدىڭ نەگىزگى تاقىرىبى - قازاقستاندىق سيىر ەتى، قوي ەتى جانە ءتىرى مالدى يوردانيا نارىعىنا ەكسپورتتاۋ ماسەلەلەرى بولدى.
كەلىسسوزدەر بارىسىندا جانە تاراپتاردىڭ ۆەتەريناريالىق قىزمەتتەرى اراسىندا بۇعان دەيىن جۇرگىزىلگەن ءوزارا ارەكەتتەستىكتىڭ ناتيجەسىندە سيىر ەتى مەن قوي ەتى بويىنشا مال شارۋاشىلىعى ونىمدەرىن ەكسپورتتاۋعا قۇقىعى بار 6 قازاقستاندىق كاسىپورىننىڭ يوردانيانىڭ رەسمي تىزىلىمىنە ەنگىزىلۋىنە كەلىسىم الىندى.
ايتا كەتەيىك، قازاقستان جىل سايىن ەت ونىمدەرىن ءوندىرۋ مەن ەكسپورت كولەمىن ارتتىرىپ كەلەدى. 2024-جىلى قازاقستاننان 30 مىڭ توننادان استام سيىر جانە قوي ەتى ەكسپورتتالدى، ونىڭ ىشىندە تاياۋ شىعىس ەلدەرىنە دە جونەلتىلدى. وتاندىق ءونىم دۇنيەجۇزىلىك جانۋارلار دەنساۋلىعى ۇيىمى (WOAH) تاراپىنان راستالعان حالىقارالىق ساپا جانە قاۋىپسىزدىك ستاندارتتارىنا تولىق سايكەس كەلەدى.
ەسكە سالا كەتەيىك، بيىل اۋىل شارۋاشىلىعى جوبالارىنا 50 ميلليارد تەڭگە نەسيە بەرىلەدى.
