قازاقستاننىڭ 10 وڭىرىندە ينفلياتسيا باياۋلادى - ۇلتتىق بانك

استانا. KAZINFORM - قازان ايىندا ەلدە جىلدىق ينفلياتسيا %12,6 بولدى (قىركۇيەكتە - %12,9)، دەپ جازدى ۇلتتىق بانك.

جىلدىق ينفلياتسيا 10 وڭىردە باياۋلادى، 6 وڭىردە جەدەلدەپ، 4 وڭىردە بۇرىنعى دەڭگەيدە قالدى.

- قازاندا ازىق-تۇلىك تاۋارلارىنىڭ باعاسى جىلدىق ماندە %13,5- دى قۇرادى (قىركۇيەكتە - %12,7). وسى توپتاعى تاۋارلاردىڭ باعاسى ۇلىتاۋ وبلىسىندا (%16,7) الدەقايدا جوعارى، ال الماتى قالاسىندا (%10,4) مەيىلىنشە تومەن ءتۇستى، - دەلىنگەن اقپاراتتا.

قازان ايىنىڭ قورىتىندىسى بويىنشا ازىق-تۇلىككە جاتپايتىن تاۋارلاردىڭ باعاسى جىلدىق ماندە %11,0 بولدى (قىركۇيەكتە - %10,8). ەڭ جوعارى ءمان اقتوبە وبلىسىندا (%14,0)، ەڭ تومەنگى ءمان الماتى قالاسىندا (%8,5) تىركەلگەن.

قازاندا اقىلى كورسەتىلەتىن قىزمەت باعاسىنىڭ ءوسۋ قارقىنى جىلدىق ماندە %12,9- عا دەيىن باياۋلادى (قىركۇيەكتە - %15,3).

سونىمەن قاتار قىزىلوردا وبلىسىندا (%8,6) جالپى رەسپۋبليكالىق دەڭگەيدەن باعا ءبىرشاما تومەن ءتۇستى.

قازاندا ەل كولەمىندە ايلىق ينفلياتسيا %0,5- عا ءوستى.

ايتا كەتەيىك، جاۋاپتى مينيسترلىك ازىق- تۇلىك ينفلياتسياسىن باقىلاۋعا قاتىستى جاڭا تەتىكتەر ۇسىندى.