قازاقستاننان قاي ەلدەرگە تىكەلەي اۋە رەيستەرى بار

استانا. KAZINFORM - قازىرگى تاڭدا قازاقستان رەسپۋبليكاسىنان 28 ەلگە حالىقارالىق اۋە قاتىناسى ورناتىلعان، بارلىعى 121 باعىت بويىنشا اپتاسىنا 660 رەيس ورىندالادى. بۇل تۋرالى كولىك مينيسترلىگىنىڭ باسپا ءسوز قىزمەتى حابارلادى.

قازاقستان رەسپۋبليكاسى كولىك مينيسترلىگىنىڭ ازاماتتىق اۆياتسيا كوميتەتى تۇراقتى نەگىزدە جاڭا حالىقارالىق اۋە باعىتتارىن اشۋ جۇمىستارىن جۇرگىزىپ جاتىر. وسىلايشا «SCAT» اۋە كومپانياسى بيىل شىمكەنت قالاسىنىڭ اۋەجايىنان كەلەسى جاڭا حالىقارالىق باعىتتاردى اشۋدى جوسپارلاپ وتىر:

27 -مامىردان باستاپ:

شىمكەنت - بۋداپەشت (ۆەنگريا)، اپتاسىنا 2 رەيس؛

شىمكەنت - ميۋنحەن (گەرمانيا)، اپتاسىنا 3 رەيس؛

28 -مامىردان باستاپ:

شىمكەنت - شيان (قىتاي)، اپتاسىنا 2 رەيس؛

29 -مامىردان باستاپ:

شىمكەنت - كاير (مىسىر)، اپتاسىنا 2 رەيس؛

شىمكەنت - شاڭحاي (قىتاي)، اپتاسىنا 2 رەيس؛

شىمكەنت - سەۋل (كورەيا)، اپتاسىنا 2 رەيس؛

30 -مامىردان باستاپ:

شىمكەنت - ءۇرىمجى (قىتاي)، اپتاسىنا 2 رەيس.

«Air Astana» اۋە كومپانياسى دا بىرنەشە جاڭا حالىقارالىق باعىتتى ىسكە قوسۋدى جوسپارلاپ وتىر:

30 -ناۋرىزدان باستاپ:

الماتى - گۋاڭجوۋ (قىتاي)، اپتاسىنا 3 رەيس؛

الماتى - نياچانگ (ۆەتنام)، اپتاسىنا 2 رەيس؛

31- ناۋرىزدان باستاپ اشىلدى:

استانا - نياچانگ (ۆەتنام)، اپتاسىنا 2 رەيس؛

جوسپارعا ەنگىزىلگەن اۋە رەيستەرى:

20- ساۋىردەن باستاپ: الماتى - مۋمباي (ءۇندىستان)، اپتاسىنا 3 رەيس؛

14- مامىردان باستاپ: استانا - دانانگ (ۆەتنام)، اپتاسىنا 2 رەيس؛

27 -مامىردان باستاپ: اتىراۋ - تبيليسي (گرۋزيا)، اپتاسىنا 3 رەيس؛

28 -مامىردان باستاپ: الماتى - وش (قىرعىزستان)، اپتاسىنا 4 رەيس؛

31 -مامىردان باستاپ: اتىراۋ - باكۋ (ءازىربايجان)، اپتاسىنا 3 رەيس؛

1- ماۋسىمنان باستاپ: الماتى - فرانكفۋرت (گەرمانيا)، اپتاسىنا 3 رەيس؛

4 -ماۋسىمنان باستاپ: الماتى - دانانگ (ۆەتنام)، اپتاسىنا 2 رەيس.

«Qazaq Air» اۋە كومپانياسى 2025 -جىلدىڭ 1- مامىرىنان باستاپ استانا - تۇركىستان - سامارقاند جاڭا حالىقارالىق باعىتىن اپتاسىنا 2 رەيس جيىلىگىمەن ىسكە قوسۋدى جوسپارلاپ وتىر.

«Fly Arystan» اۋە كومپانياسى بيىلعى جىلى كەلەسى جاڭا باعىتتاردى اشۋدى جوسپارلاپ وتىر:

18- مامىردان باستاپ:

الماتى - ينين (قۇلجا)، اپتاسىنا 2 رەيس؛

4- ماۋسىمنان باستاپ:

قاراعاندى - ىستانبۇل (تۇركيا)، اپتاسىنا 2 رەيس.

سونداي-اق ءبىرقاتار شەتەلدىك اۋە كومپانياسى قازاقستان رەسپۋبليكاسىنا جاڭا رەيستەر اشىپ جاتىر:

«Eastar Jet» (كورەيا):

7 -ساۋىردەن باستاپ سەۋل - الماتى باعىتى اشىلدى، اپتاسىنا 2 رەيس؛

2025 -جىلدىڭ كوكتەم- جاز ماۋسىمىندا پۋسان - الماتى باعىتى اشىلادى، اپتاسىنا 2 رەيس؛

«TWay» (كورەيا):

2025 -جىلدىڭ كوكتەم- جاز ماۋسىمىندا سەۋل - استانا باعىتى، اپتاسىنا 2 رەيس؛

«Spice Jet»:

2025 -جىلدىڭ كوكتەم- جاز ماۋسىمىندا دەلي - الماتى باعىتى، اپتاسىنا 4 رەيس؛

«Air Cairo» (مىسىر):

3 -ساۋىردەن باستاپ شارم- ەل- شەيح - قوستاناي باعىتى اشىلدى، اپتاسىنا 1 رەيس؛

13 -ساۋىردەن باستاپ حۋرگادا - الماتى باعىتى، اپتاسىنا 2 رەيس؛

«Thai Air Asia X» (تايلاند):

2025-2026 -جىلدارداعى كۇز-جاز ماۋسىمىندا بانگكوك جانە پحۋكەت قالالارىنان الماتىعا باعىتتار جوسپارلانعان.

جاڭا اۋە باعىتتارىنىڭ اشىلۋى جولاۋشىلار ءۇشىن تاڭداۋ مۇمكىندىگىن ارتتىرۋعا، اۋە تاسىمالى نارىعىنداعى باسەكەلەستىكتى كۇشەيتۋگە ىقپال ەتەدى. بۇل ءوز كەزەگىندە تاسىمال باعاسىنا وڭ اسەر ەتىپ، قىزمەت كورسەتۋ ساپاسىنىڭ ارتۋىنا مۇمكىندىك بەرەدى.