قازاقستاندىق بىتىمگەرلەردى گولان بيىگىنە شىعارىپ سالۋ ءراسىمى ءوتتى

Аскарлар
Фото: Мудофаа вазирлиги

استانا. KAZINFORM - قازاقستاندىق 28 گۆاردياشى-پانفيلوۆشىلار اتىنداعى ساياباقتا ق ر قارۋلى كۇشتەرىنىڭ بىتىمگەرلىك كونتينگەنتىن «ب ۇ ۇ- نىڭ گولان بيىكتىكتەرىندەگى ءبولىنۋدى باقىلاۋ جونىندەگى كۇشتەرى» ميسسياسىنا سالتاناتتى تۇردە شىعارىپ سالۋعا ارنالعان ءىس-شارا ءوتتى.

الاڭعا قورعانىس مينيسترلىگىنىڭ باسشىلىعى، اسكەري قىزمەتشىلەردىڭ تۋعان-تۋىستارى مەن ارىپتەستەرى، پارلامەنت دەپۋتاتتارى، اتقارۋشى بيلىك ورگاندارى مەن ارداگەرلەر ۇيىمدارىنىڭ، «جاس-سارباز» اسكەري-پاتريوتتىق قوزعالىسىنىڭ وكىلدەرى جينالدى.

قورعانىس ءمينيسترى گەنەرال-پولكوۆنيك رۋسلان جاقسىلىقوۆ قازاقستاندىق بىتىمگەرلەردىڭ ب ۇ ۇ ميسسيالارىنا قاتىسۋ گەوگرافياسى مەن ءارتاراپتاندىرىلۋىن كەڭەيتۋ پرەزيدەنتتىڭ نۇسقاۋى بويىنشا جۇزەگە اسىرىلىپ جاتقانىن اتاپ ءوتتى.

- بۇل ءبىز ءۇشىن ۇلكەن مارتەبە، ويتكەنى قىسقا مەرزىم ىشىندە اسكەري-ساياسي جاعدايداعى ەرەكشە تاپسىرمالاردى ورىنداۋعا دايىن، بارلىق حالىقارالىق ستاندارتتار مەن تالاپتارعا سايكەس كەلەتىن بىتىمگەرلىك كونتينگەنتتى دايىنداپ، جاراقتاي الدىق، - دەپ اتاپ ءوتتى ول.

قورعانىس ۆەدومستۆوسىنىڭ باسشىسى ب ۇ ۇ مەن حالىقارالىق قوعامداستىقتىڭ مەملەكەتىمىز بەن ونىڭ قارۋلى كۇشتەرىنىڭ بەيبىتشىلىك پەن قاۋىپسىزدىكتى ساقتاۋ جونىندەگى ەڭ جاۋاپتى مىندەتتەردى ورىنداۋ قابىلەتىن مويىنداۋىنىڭ كورسەتكىشى ەكەنىن اتاپ ءوتتى.

Аскарлар
Фото: Мудофаа вазирлиги

- سونىمەن قاتار بۇل ەلىمىز بەن الەمدىك قوعامداستىق الدىنداعى ۇلكەن جاۋاپكەرشىلىك. سوندىقتان ءبىز دايىندىقتىڭ، ءتارتىپتىڭ جوعارى دەڭگەيىن كورسەتىپ، حالىقارالىق ارەنادا قازاقستان رەسپۋبليكاسى مەن ونىڭ قارۋلى كۇشتەرىنىڭ بەدەلىن جوعارى كوتەرۋىمىز كەرەك، - دەپ تۇيىندەدى ول.

جيىندا ءسوز العان پارلامەنت ءماجىلىسىنىڭ دەپۋتاتتارى كونستانتين اۆەرشين مەن بولات كەرىمبەك بىتىمگەرلەرگە اق جول تىلەدى.

گەنەرال-پولكوۆنيك رۋسلان جاقسىلىقوۆ كونتينگەنت كومانديرى پودپولكوۆنيك جىگەر ايپوۆقا قازاقستان رەسپۋبليكاسىنىڭ مەملەكەتتىك تۋىن تابىس ەتتى. اسكەري قىزمەتشىلەر وندا جەتكەن سوڭ ءبىزدىڭ مەملەكەتىمىزدىڭ نىشانى گولان بيىكتىكتەرىندەگى قازاقستاندىق بىتىمگەرلىك بازانىڭ اۋماعىنا ىلىنەتىن بولادى.

Руслан Жақсилиқов
Фото: Мудофаа вазирлиги

پودپولكوۆنيك جىگەر ايپوۆ اتاپ وتكەندەي، بىتىمگەرلىك كونتينگەنتتىڭ جەكە قۇرامى كەشەندى بىتىمگەرلىك دايىندىقتان ءوتتى جانە بۇۇ ميسسياسىنىڭ مانداتى شەڭبەرىندە جۇكتەلگەن مىندەتتەردى ورىنداۋعا دايىن.

ەستەرىڭىزگە سالا كەتەيىك، 2014-جىلدان باستاپ 67 قازاقستاندىق وفيتسەر ب ۇ ۇ- نىڭ باتىس ساحارا، كوت-د' يۆۋار، مالي، ورتالىق افريكا رەسپۋبليكاسى جانە ليۆانداعى ميسسيالارىنا اسكەري باقىلاۋشىلار مەن شتاب وفيتسەرلەرى رەتىندە قاتىسىپ كەلەدى.

Аскарлар
Фото: Мудофаа вазирлиги

2018-جىلدان بەرى 538 قازاقستاندىق اسكەري قىزمەتشى بىتىمگەرلىك بولىمشە قۇرامىندا «ب ۇ ۇ- نىڭ ليۆانداعى ۋاقىتشا كۇشتەرى» ميسسياسىنا قاتىستى.

قازىرگى ۋاقىتتا باتىس ساحارادا 6، ورتالىق افريكا رەسپۋبليكاسىندا 2، كونگو دەموكراتيالىق رەسپۋبليكاسىندا 2، ليۆاندا 9 وفيتسەر ب ۇ ۇ- نىڭ ميسسيالارىندا قىزمەت ەتۋدە. گولان بيىكتەرىنە 139 قازاقستاندىق اسكەري قىزمەتشى جىبەرىلدى. ولار وندا ميسسيا مانداتىنا سايكەس، قاراما-قارسى تاراپتار اراسىندا اتىستى توقتاتۋ رەجيمىن قولداۋ جونىندەگى مىندەتتەردى ورىندايتىن بولادى.

سوڭعى جاڭالىقتار