قازاقستاندىقتاردىڭ وڭتۇستىك كورەيادا زاڭدى تۇردە جۇمىس ىستەۋىنە رۇقسات بەرىلەدى
ەڭبەك جانە حالىقتى الەۋمەتتىك قورعاۋ مينيسترلىگىنىڭ جانە كورەيا رەسپۋبليكاسى ەڭبەك جانە جۇمىسپەن قامتۋ مينيسترلىگىنىڭ وكىلدەرى ونلاين- فورماتتا كەلىسسوز جۇرگىزىپ، ونىڭ بارىسىندا قازاقستاندى وڭتۇستىك كورەيانىڭ Employment Permit System جۇيەسىنە ەنگىزۋ ماسەلەسىن تالقىلادى، دەپ حابارلايدى Kazinform.
بۇل قازاقستاندىقتارعا وڭتۇستىك كورەيادا زاڭدى تۇردە جۇمىسقا ورنالاسۋعا، سونداي-اق ولارعا تەڭ ەڭبەك جاعدايى مەن قۇقىعىن قورعاۋعا مۇمكىندىك بەرەدى.
كەزدەسۋگە ەڭبەكمينى كوشى-قون كوميتەتىنىڭ ءتوراعاسى اسقاربەك ەرتايەۆ، ەڭبەكمينى حالىقارالىق ىنتىماقتاستىق جانە ينتەگراتسيا دەپارتامەنتىنىڭ ديرەكتورى ساادات اسانسەيتوۆا جانە كورەيا رەسپۋبليكاسى ەڭبەك جانە جۇمىسپەن قامتۋ مينيسترلىگىنىڭ شەتەلدىك جۇمىس ەڭبەگى جونىندەگى باسقارماسى ديرەكتورىنىڭ ورىنباسارى ميۋنگ سۋنگ حون قاتىستى.
اسقاربەك ەرتايەۆ كەزدەسۋگە قاتىسۋشىلارعا EPS جۇيەسى شەڭبەرىندە كورەيالىق دايىندىق ورتالىعىن اشۋ بويىنشا جۇرگىزىلىپ جاتقان جۇمىس جونىندە حابارلادى.
قازاقستاندا EPS ورتالىعىن اشۋ مۇمكىندىگىن تالقىلاي وتىرىپ، تاراپتار جەمىستى جانە سىندارلى ءوزارا ءىس- قيمىلعا، سونداي-اق ەڭبەك ميگراتسياسى شەڭبەرىندە ەكىجاقتى ىنتىماقتاستىقتى كەڭەيتۋگە دايىن ەكەنىن ءبىلدىردى.
