قازاقستاندىقتاردىڭ كرەديت تولەۋى جەڭىلدەي مە - جاڭا ەرەجە
استانا. KAZINFORM - قارجى نارىعىن رەتتەۋ جانە دامىتۋ اگەنتتىگى بانك الدىنداعى قارىز شارتىنىڭ تالاپتارىنا وزگەرىستەر ەنگىزدى. قۇجات جوباسى «اشىق ن ق ا» پورتالىندا جاريالاندى.
جوبادا ءارتۇرلى كرەديتوردا ەكى جانە ودان دا كوپ تۇتىنۋشىلىق كەپىلسىز كرەديتى بار ازاماتتار ءۇشىن مەرزىمى وتكەن بەرەشەكتى قايتا قاراۋ تەتىگىن ەنگىزۋ كوزدەلگەن.
- ءارتۇرلى كرەديتوردا بىرنەشە مەرزىمى وتكەن كەپىلسىز كرەديتى بار ازاماتتاردىڭ قارىز جۇكتەمەسىن جەڭىلدەتۋ ماقساتىندا، بەرەشەكتى بىرىكتىرۋ جانە ۇزاعىراق ءارى يكەمدى تولەم كەستەسى ارقىلى ۇجىمدىق قايتا قۇرىلىمداۋ تەتىگى ەنگىزىلەدى. بۇل بورىشكەر ازاماتتاردىڭ قارجىلىق جاعدايىن جاقسارتۋعا جانە قارجىلىق تۇراقتىلىق دەڭگەيىن ارتتىرۋعا ىقپال ەتەدى، - دەلىنگەن قۇجاتتا.
ايتا كەتسەك، قازاقستان ەكونوميكاسىنداعى كرەديتتىڭ %54 ى حالىقتىڭ موينىندا.
بيىل مامىردا سەنات ازاماتتاردىڭ بورىشتىق جۇكتەمەسىن ازايتاتىن زاڭدى تالقىلادى.
