قازاقستاندىقتاردىڭ دەپوزيتتەگى اقشاسى ءوستى

جىل باسىنان بەرى ەلىمىزدە جەكە تۇلعالاردىڭ بانكتىك دەپوزيتتەرىنىڭ كولەمى 10,8 پايىز ءوستى. قازان ايىنىڭ سوڭىندا سالىم 18,8 تريلليون تەڭگەگە جەتتى.

Finprom.kz مالىمدەۋىنشە، جىل باسىنان بەرى 21 بانكتىڭ 18 ىندە حالىقتىڭ سالىمدارى ارتتى. جىلدان-جىلعا ءوسۋ بايقالادى.

«جەكە تۇلعالاردىڭ دەپوزيتتەرى كولەمىنىڭ سەرپىنى جىلدان جىلعا وڭ بولىپ وتىر. بۇل حالىقتىڭ دەپوزيتتەرگە دەگەن سۇرانىسىن جانە بانكتەرگە دەگەن سەنىمىنىڭ ارتقانىن كورسەتەدى. وسىلايشا، جىل ىشىندە دەپوزيتتەر كولەمى 24 پايىز ءوستى»، - دەپ جازدى باسىلىم.

قازاقستان بانكتەرىندەگى دەپوزيتتەردىڭ باسىم بولىگى مەرزىمدى دەپوزيتتەر - 76,4 پايىز. ەكىنشى ورىندا جيناق سالىمدارى (7,7 پايىز). ءۇشىنشى ورىندا قازىرگى شوتتار (15,6 پايىز) تۇر. جالپى كولەمنىڭ شاعىن ۇلەسىن تالاپ ەتۋگە دەيىنگى سالىمدار (0,3 پايىز) جانە شارتتى سالىمدار (0,02 پايىز) الادى.