قازاقستاندىقتاردىڭ 71 پايىزى قوعامدىق ورىندا تەمەكى شەگۋگە قارسى
تەمەكى ءبىر جىلدا 20 پايىزعا قىمباتتادى، ءبىراق قازاقستاندىقتار باعانىڭ بۇدان دا جوعارى كوتەرىلۋىنە قارسى ەمەس. Kazinform اگەنتتىگى بۇل تۋرالى Energyprom-عا سىلتەمە جاساپ حابارلايدى.
2023 -جىلدىڭ قاڭتار- قازان ايلارىندا قازاقستاندا 15 ميلليارد تەمەكى، سيگارا، پاپيروس جانە وسىعان ۇقساس باسقا دا ونىمدەر شىعارىلدى.
بۇل ءبىر جىل بۇرىنعىمەن بىردەي دەرلىك - نەبارى مينۋس 0,1 پايىز.
بۇل رەتتە تەمەكى ونىمدەرىن شىعارۋ كوپ جىلدار بويى الماتى وبلىسىندا شوعىرلانعان.
بيىلعى قاڭتار- قىركۇيەك ايلارىندا جەرگىلىكتى كومپانيالار ءوز ونىمدەرىنىڭ 45 پايىزىن ىشكى نارىققا جانە ەكسپورتقا وتكىزسە، قالعان 55 پايىزىن يمپورت قۇرادى.
قاراشا ايىنىڭ قورىتىندىسى بويىنشا تەمەكى باعاسى جىلدىق ديناميكادا 19,7 پايىز قىمباتتادى.
وڭىرلەر بويىنشا باعانىڭ ەڭ كوپ ءوسىم قوستاناي (جىلىنا 27,6 پايىز)، باتىس قازاقستان (25,7 پايىز) جانە سولتۇستىك قازاقستان (24,4 پايىز) وبلىستارىندا بايقالدى.
باعانىڭ ەڭ از جىلدىق ءوسىمى الماتى وبلىسىندا تىركەلدى: 16,3 پايىز.
2023 -جىلدىڭ شىلدەسىندە قازاقستاندىقتار اراسىندا جۇرگىزىلگەن ساۋالناماعا سايكەس، رەسپوندەنتتەردىڭ 86,4 پايىزى وتباسى مۇشەلەرىنىڭ تەمەكى ونىمدەرىن پايدالانۋىنا قارسى ەمەس، 6,8 پايىزى قارسى، تاعى 6,8 پايىزى جاۋاپ بەرۋگە قينالعان.
تەمەكى ونىمدەرىنە سالىناتىن سالىقتىڭ كوتەرىلۋىنە قاتىستى ساۋالناماعا قاتىسقانداردىڭ 55,5 پايىزى بۇل شاراعا كەلىسسە، 24,8 پايىزى قارسى.
جۇمىس ورىندارىندا، قوعامدىق تاماقتانۋ ورىندارىندا جانە قوعامدىق كولىكتە تەمەكى شەگۋگە تولىق تىيىم سالاتىن زاڭعا قاتىستى پىكىرلەر مىناداي: رەسپوندەنتتەردىڭ 71,8 پايىزى مۇنداي زاڭدى قولداپ، 11,5 پايىزى قارسى بولعان.
