22:58, 16 - قاڭتار 2024 | GMT +6
قازاقستاندىقتار قىتاي مەن ماجارستاندا تەگىن وقي الادى
استانا. KAZINFORM - قازاقستان، ماجارستان جانە قىتاي حالىق رەسپۋبليكاسى اراسىنداعى ءبىلىم بەرۋ سالاسىنداعى ىنتىماقتاستىق تۋرالى ۇكىمەتارالىق كەلىسىمدەر شەڭبەرىندە قازاقستاندىقتار جەتەكشى ۋنيۆەرسيتەتتەردە جوعارى ءبىلىم الا الادى.
«ماجارستان 2024-2025 وقۋ جىلىنا ارنالعان Stipendium Hungaricum باعدارلاماسى بويىنشا 250 گرانت ۇسىنادى: باكالاۆرياتقا - 110 ورىن، ماگيستراتۋراعا - 90 ورىن، باكالاۆريات+ماگيستراتۋراعا - 30 ورىن، دوكتورانتۋراعا - 20 ورىن»، - دەپ جازدى عىلىم جانە جوعارى ءبىلىم مينيسترلىگىنەن.
قىتاي ۇكىمەتى باكالاۆريات، ماگيستراتۋرا، دوكتورانتۋرا باعدارلامالارى بويىنشا 155 وقۋ گرانتىن ۇسىنادى.
تولىق اقپاراتتى جانە قۇجاتتاردى تاپسىرۋ جونىندەگى نۇسقاۋلىقپەن «حالىقارالىق باعدارلامالار ورتالىعى» ا ق سايتىنان تانىسۋعا بولادى.
