قازاقستاندىقتار قانداي پرەپاراتتاردى جيى ساتىپ الادى

استانا. KAZINFORM - قازاقستاندا دارىلىك زاتتاردى مىندەتتى تاڭبالاۋ مەن قاداعالاۋدى ەنگىزۋ مەملەكەتكە اشىق باقىلاۋ قۇرالىن بەردى.

دەنساۋلىق ساقتاۋ مينيسترلىگى باسپا ءسوز قىزمەتىنىڭ مالىمەتىنشە، ەندى ءار قاپتامانىڭ قوزعالىسىن وندىرىستەن ساتۋعا دەيىن باقىلاۋعا بولادى. بۇل تۇتىنۋشىلار ءۇشىن قاۋىپسىزدىكتى ارتتىرىپ قانا قويماي، قازاقستاندىقتاردىڭ قاشان جانە قانداي پرەپاراتتاردى ساتىپ الاتىنى تۋرالى ناقتى دەرەكتەردى تالداۋعا مۇمكىندىك بەردى.

ەڭ كوپ ساتىلاتىن تاڭبالانعان پرەپارات- پاراتسەتامول-3 ميلليونعا جۋىق پاكەت ساتىلدى. ءارى قاراي، ساتۋ سانى بويىنشا ناتري حلوريدى، ەتيل سپيرتى، اتسەتيلساليتسيل قىشقىلى جانە تسيترامون پ.

ءبىر جىلدىڭ ىشىندە بارلىعى 417 ميلليون دارىلىك زاتتىڭ قاپتاماسى تاڭبالانعان، بۇل نارىقتىڭ 60 پايىزدان استامىن قۇرايدى. ولاردىڭ ىشىندە 252 ميلليون - يمپورتتىق پرەپاراتتار، 165 ميلليون قاپتاما قازاقستاندا ءوندىرىلدى.

Taٌba تاۋارلارىن تاڭبالاۋ مەن قاداعالاۋدىڭ ءبىرىڭعاي وپەراتورلارى جۇيەسىنىڭ مالىمەتتەرىنە سايكەس، ەڭ ۇلكەن سۇرانىس اپتانىڭ ورتاسىندا بولادى. كوبىنەسە قازاقستاندىقتار ءدارى-دارمەكتەردى سەيسەنبى مەن سارسەنبىدە ساتىپ الادى.

دەمالىس كۇندەرى سۇرانىس تومەندەيدى جانە جەكسەنبىدە ەڭ تومەنگى دەڭگەيگە جەتەدى، جىل بويى بۇل كۇن ساتىلىمدا ەڭ «تىنىش» بولىپ قالا بەرەدى. سودان كەيىن تسيكل قايتالانادى - دۇيسەنبىدەن باستاپ سۇرانىس وسە باستايدى، اپتانىڭ ورتاسىندا شىڭىنا جەتەدى.

ەلىمىزدىڭ بارلىق وڭىرىندە ءبىر جىلدا 107 ميلليون بىرلىك دارىلىك زات ساتىلدى. ەڭ كوپ تاڭبالانعان پرەپاراتتار ءبىر جىلدا الماتى قالاسىندا ساتىلدى - 14,1 ميلليون قاپتاما.

ەكىنشى ورىندا قاراعاندى وبلىسى - 9,2 ميلليون قاپتاما، ءۇشىنشى ورىندا - شىمكەنت - 4,9 ميلليون. ەلوردادا بارلىق ۋاقىتتا 4,1 ميلليون ءدارى-دارمەك ساتىلدى.

ءاربىر قاپتاماداعى بىرەگەي Data Matrix كودى جالعان نەمەسە كونترافاكتىنى اكەلۋ مۇمكىندىگىن قوسپاعاندا، تاۋاردىڭ شىعۋ تەگىنىڭ دۇرىستىعىنا كەپىلدىك بەرەتىنىن ەسكەرتەمىز.

ەسكە سالا كەتەيىك، بۇعان دەيىن استانالىق عالىمدار كۇرىش قاۋىزى مەن جۇگەرى وزەگىنەن قان قىسىمىن تۇسىرەتىن ءدارى سينتەزدەگەنىن جازعان ەدىك.