قازاقستاندىقتار ەڭ كوپ ۇشاتىن اۋە باعىتتارى بەلگىلى بولدى

استانا. KAZINFORM - ازاماتتىق اۆياتسيا كوميتەتى قازاقستان اۋە كومپانيالارىنىڭ 2022 -2024 -جىلدارداعى جولاۋشىلار اعىنى تۋرالى مالىمەتتى ۇسىندى.

بۇل ارالىقتا Air Astana  كومپانياسى 12 ميلليوننان استام جولاۋشىنى تاسىمالدادى، ونىڭ ىشىندە:

2022 -جىل - 4,1 ميلليون؛

2023 -جىل - 4,4 ميلليون؛

2024 -جىلدىڭ 9 ايىندا - 3,5 ميلليون.

FlyArystan  كومپانياسى 10,1 ميلليون ادامعا قىزمەت كورسەتتى، ونىڭ ىشىندە:

2022 -جىل - 3,2 ميلليون؛

2023 -جىل - 3,6 ميلليون؛

2024 -جىلدىڭ قاڭتار- قىركۇيەك ارالىعىندا - 3,2 ميلليون.

SCAT ەڭ ۇلكەن ءوسىمدى كورسەتتى، كومپانيا 10,9 ميلليوننان استام جولاۋشى تاسىمالدادى، ونىڭ ىشىندە:

2022 -جىل - 2,9 ميلليون؛

2023 -جىل - 4,4 ميلليون؛

2024 -جىلدىڭ 9 ايىندا - 3,5 ميلليون.

تاسىمالداۋ كولەمى ازداۋ بولعان اۋە كومپانيالارى قاتارىندا Qazaq Air (1,6 ميلليون جولاۋشى)، جەتىسۋ (10,7 مىڭ جولاۋشى)، جەزقازعان ەير (1,8 مىڭ جولاۋشى) جانە يۋجنوە نەبو (209 مىڭ جولاۋشى) ۇيىمدارى بار.

جالپى، قازاقستاندىق اۋە كومپانيالارى الەمنىڭ 26 ەلىنە رەيستەر ورىنداعان. ەڭ تانىمال باعىتتار رەتىندە تۇركيا، رەسەي، ب ا ءا، وڭتۇستىك كورەيا جانە وزبەكستان قالىپ وتىر.

حالىقارالىق رەيستەردىڭ جيىلىگى اپتاسىنا 450 ۇشۋعا جەتىپ، جازعى ماۋسىمدا ەڭ جوعارى كورسەتكىشتەرگە جەتكەن.

ايجان سەرىكجان قىزى