قازاقستاندىقتار جەكە كۋالىكتى كۋرەر ارقىلى الۋى ىقتيمال
سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ قازاقستاندا جەكە كۋالىكتى كۋرەر ارقىلى الۋ ماسەلەسىن قاراستىرىپ جاتقانىن ايتتى، - دەپ حابارلايدى Massaget.kz ءتىلشىسى.
«جەكە كۋالىكتى (كۋرەر ارقىلى الۋ - ەسكەرتۋ) ماسەلەسىن قاراستىرىپ جاتىرمىز. مۇنداي دا ماسەلە بار. ءبىز قوسىمشا قىزمەتتى قاراستىرعاندا بۇل ماسەلە ءى ءى م- مەن بىرگە تالقىلايمىز. سەبەبى، بۇعان قاتىستى ەشقانداي سۇراق تۋىنداماۋى كەرەك. سەبەبى، جەكە كۋالىك - وتە ماڭىزدى قۇجات. مۇنى قازاقستاندىقتار ءتۇسۋىنى كەرەك. مۇندا ادامنىڭ كەلىسىمىن تىركەۋ قاجەت»، - دەدى اسەت تۇرىسوۆ سەناتتىڭ جالپى وتىرىسىنان سوڭ.
ايتا كەتەيىك، بۇگىن سەناتورلار «قازاقستاننىڭ كەيبىر زاڭنامالىق اكتىلەرىنە «ازاماتتارعا ارنالعان ۇكىمەت» مەملەكەتتىك كورپوراتسياسى، «استانا حاب» حالىقارالىق تەحنولوگيالىق پاركى جانە داكتيلوسكوپيالىق تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى ەكىنشى وقىلىمدا ماقۇلداعان ەدى.
