قازاقستاندىقتار ءبىر كۇندە العاشقى ا ە س- كە 10 مىڭعا جۋىق اتاۋ ۇسىندى

استانا. KAZINFORM - ءبىر تاۋلىك ىشىندە eGov Mobile قوسىمشاسى ارقىلى قازاقستانداعى العاشقى اتوم ەلەكتر ستانتسياسىنا اتاۋ بەرۋ بويىنشا 9945 ۇسىنىس كەلىپ ءتۇستى.

بۇل تۋرالى اتوم ەنەرگياسى اگەنتتىگى حابارلادى.

ايتا كەتەيىك، ا ە س- كە ەڭ ۇزدىك اتاۋ بەرۋ جونىندەگى جالپىحالىقتىق كونكۋرس 25-قىركۇيەك كۇنى ساعات 12:00 دە باستالدى. وعان قاتىسۋ eGov Mobile موبيلدى قوسىمشاسى ارقىلى جۇرگىزىلەدى: باستى بەتتە «ا ە س- كە اتاۋ ۇسىنىڭىز» دەگەن باننەر ورنالاستىرىلعان.

باستامانىڭ ماقساتى - بولاشاق ستانتسيانىڭ تاريحي، مادەني جانە ۇلتتىق ماڭىزىن ايقىندايتىن اتاۋدى تاڭداۋ.

بايقاۋعا ەلىمىزدىڭ كەز كەلگەن تۇرعىنى قاتىسا الادى. ول ءۇشىن:

- ءتىلدى تاڭداۋ (قازاق نەمەسە ورىس)؛

- اتاۋدىڭ ءوز نۇسقاسىن ۇسىنۋ؛

- قاجەت بولعان جاعدايدا ونىڭ ءمانىن قىسقاشا ءتۇسىندىرۋ؛

- كونكۋرستىڭ رەسمي ەرەجەلەرىمەن تانىسقانىن راستاۋ قاجەت.

ۇسىنىستار 2025-جىلعى 10-قازان ساعات 23:59 عا دەيىن قابىلدانادى. كونكۋرستىڭ ەرەجەلەرىمەن ق ر اتوم ەنەرگياسى جونىندەگى اگەنتتىگىنىڭ رەسمي سايتىندا جانە ۆەدومستۆونىڭ الەۋمەتتىك جەلىلەرىندەگى پاراقشالارىندا تانىسۋعا بولادى.

ۇيىمداستىرۋشىلار ەلىمىزدىڭ بارلىق ازاماتتارىن ەنەرگەتيكاسى تاريحىنا ۇلەس قوسىپ، قازاقستانداعى العاشقى ا ە س- كە اتاۋ ۇسىنۋعا شاقىرادى.

ايتا كەتەيىك، 25-قىركۇيەك كۇنى ساعات 12:00 دە قازاقستاندا العاشقى اتوم ەلەكتر ستانتسياسىنا ۇزدىك اتاۋ بەرۋ بويىنشا جالپىحالىقتىق كونكۋرس باستالدى.