قازاقستاندىقتار بالىق پەن تەڭىز ونىمدەرىن از تۇتىنا باستادى

استانا. KAZINFORM - بىلتىر 2022 -جىلمەن سالىستىرعاندا نان مەن جارما، بالىق پەن تەڭىز جانە ماي مەن توڭمايدان باسقا ازىق-تۇلىك ونىمدەرىنىڭ نەگىزگى توپتارى بويىنشا تۇتىنۋ كورسەتكىشىنىڭ وسكەنى بايقالدى.

وتكەن كەزەڭدەردەگىدەي ءۇي شارۋاشىلىقتارىنىڭ تۇتىنۋ شىعىستارىندا ازىق- تۇلىك ساتىپ الۋعا جۇمسالاتىن شىعىستاردىڭ ەڭ كوپ ۇلەسى ەت جانە ەت ونىمدەرىنە (%17)، نان مەن جارما ونىمدەرىنە (%7,9) تيەسىلى.

ەت پەن ەت ونىمدەرىن تۇتىنۋدىڭ ەڭ جوعارى دەڭگەيى اتىراۋ، اقمولا، جەتىسۋ وبلىستارىندا، ال ەڭ تومەنى شىمكەنت قالاسىندا بايقالدى.

2023 -جىلى حالىقتىڭ جان باسىنا شاققانداعى ازىق- تۇلىك ونىمدەرىنىڭ جەكەلەگەن تۇرلەرى بويىنشا ايىنا ورتاشا العاندا تۇتىنۋى:
كارتوپ - 3,7 ك گ
نان، I سۇرىپ - 2,4 ك گ
سيىر ەتى - 2,1 ك گ
الما - 1,6 ك گ
قۇمشەكەر - 1,5 ك گ
كۇرىش - 1,3 ك گ
ءسۇت - 1,1 ل
ايران - 1 ل
جۇمىرتقا - 16,8 دانا
ماكارون - 0,9 ك گ
جاڭا اۋلانعان نەمەسە سالقىنداتىلعان بالىق - 0,8 ك گ
قارا شاي - 0,1 ك گ

انىقتاما: ازىق-تۇلىك ونىمدەرىن تۇتىنۋى بويىنشا دەرەكتەر تۇرمىس دەڭگەيى بويىنشا 12000 ءۇي شارۋاشىلىعىن ىرىكتەپ زەرتتەۋ ناتيجەلەرى بويىنشا ەسەپتەلگەن.