قازاقستاندىقتار اقشاسىنىڭ كوپ بولىگىن نەگە جۇمسايدى؟

استانا. KAZINFORM - ۇلتتىق ستاتيستيكا بيۋروسى قازاقستاندىقتاردىڭ 2023 -جىلدىڭ سوڭعى توقسانىنداعى شىعىنى تۋرالى دەرەك جاريالادى.

بيۋرو مالىمەتىنشە، 2023 -جىلدىڭ IV توقسانىندا ءبىر قازاقستاندىقتىڭ شىعىنى 277202 تەڭگە نەمەسە ايىنا 92,4 مىڭ تەڭگە بولعان. بۇل وتكەن جىلعى وسى كەزەڭمەن سالىستىرعاندا %12,3 جوعارى كورسەتكىش.

قازاقستاندىقتار اقشاسىنىڭ كوپ بولىگىن ازىق-تۇلىككە جۇمسايتىن بولىپ شىقتى - توقسانىنا 142169 تەڭگە. ازىق-تۇلىككە جاتپايتىن تاۋارلارعا 66268 تەڭگە، اقىلى قىزمەتتەرگە 48250 تەڭگە جۇمساعان.

ازىق-تۇلىك پەن الكوگولسىز سۋسىندارعا ءبىر قازاقستاندىق 129953 تەڭگە تولەيدى ەكەن. ال سىرتتان تاماقتانۋعا 6070 تەڭگە، الكوگولدىك سۋسىندارعا 1766 تەڭگە، تەمەكى ونىمدەرىنە 3970 تەڭگە جۇمسايدى.

ورتاشا العاندا ەلىمىزدىڭ ءبىر تۇرعىنى توقسانىنا 14819 تەڭگەنى نەسيە مەن قارىزدى وتەۋگە، 5362 تەڭگەنى اليمەنتكە، 334 تەڭگەنى سالىق پەن باسقا دا تولەمدەرگە جاراتادى.

شىعىنى ەڭ كوپ ەلوردا تۇرعىندارى بولىپ شىقتى. ءبىر استانالىق توقسان ىشىندە 366345 تەڭگە جۇمساعان. ياعني بۇل ايىنا - 122115 تەڭگە. ودان كەيىنگى ورىندا الماتىلىقتار مەن قاراعاندى وبلىسىنىڭ تۇرعىندارى تۇر.