قازاقستاندىقتار 2026-جىلى قانشا كۇن دەمالادى؟

استانا. KAZINFORM - قازاقستاندىقتار 2026-جىلى قالاي دەمالاتىن بولدى؟ ەڭبەك جانە حالىقتى الەۋمەتتىك قورعاۋ مينيسترلىگى مەرەكەلىك جانە اۋىستىرىلعان دەمالىس كۇندەرى كورسەتىلگەن وندىرىستىك كۇنتىزبەنى جاريالادى.

2026-جىلعى مەرەكەلىك كۇندەر ءتىزىمى وزگەرىسسىز قالدى. بۇعان دەيىن 1-ماۋسىم - بالالاردى قورعاۋ كۇنىن دەمالىس ەتۋ ۇسىنىلعانىمەن، قابىلدانبادى.

قازاقستانداعى 2026-جىلعى مەرەكەلىك، جۇمىس ىستەمەيتىن كۇندەر ءتىزىمى

مەملەكەتتىك مەرەكەلەر:

• جاڭا جىل - 1-2-قاڭتار؛

• حالىقارالىق ايەلدەر كۇنى – 8-ناۋرىز؛

• ناۋرىز مەيرامى - 21-23-ناۋرىز؛

• قازاقستان حالقىنىڭ بىرلىگى كۇنى – 1-مامىر؛

• وتان قورعاۋشىلار كۇنى – 7-مامىر؛

• جەڭىس كۇنى – 9-مامىر؛

• استانا كۇنى – 6-شىلدە؛

• قازاقستان رەسپۋبليكاسىنىڭ كونستيتۋتسياسى كۇنى – 30-تامىز؛

• تاۋەلسىزدىك كۇنى – 16-جەلتوقسان.

ۇلتتىق مەرەكە:

• رەسپۋبليكا كۇنى – 25-قازان.

ەكى ءدىني مەرەكە:

• روجدەستۆو – 7-قاڭتار؛

• قۇربان ايتتىڭ ءبىرىنشى كۇنى - 2026-جىلى 27-مامىرعا تۇسەدى.

الايدا كەلەسى جىلى مەملەكەتتىك مەرەكەلەردىڭ شامامەن جارتىسى دەمالىس كۇندەرىنە سايكەس كەلەدى. سوندىقتان بەس كۇندىك جۇمىس اپتاسىندا مىناداي اۋىستىرۋلار جاسالادى:

• 8-ناۋرىز جەكسەنبىگە تۇسكەندىكتەن، دەمالىس 9-ناۋرىزعا اۋىستىرىلادى؛

• 21-ناۋرىز سەنبى - دەمالىس 24-ناۋرىزعا؛

• 22-ناۋرىز جەكسەنبى - دەمالىس 25-ناۋرىزعا؛

• 9-مامىر سەنبى - دەمالىس 11-مامىر دۇيسەنبىگە؛

• 30-تامىز جەكسەنبى - دەمالىس 31-تامىزعا؛

• 25-قازان جەكسەنبى - دەمالىس 26-قازانعا اۋىستىرىلادى.

التى كۇندىك جۇمىس اپتاسىندا:

• 8-ناۋرىزدان 9-ناۋرىزعا؛

• 22-ناۋرىزدان 24-ناۋرىزعا؛

• 25-قازاننان 26-قازانعا اۋىسۋ قاراستىرىلعان.

7-قاڭتار مەن 27-مامىر 2026-جىلى جۇمىس كۇندەرىنە سايكەس كەلەتىندىكتەن، روجدەستۆو مەن قۇربان ايتتىڭ ءبىرىنشى كۇنى دە جۇمىس ىستەمەيتىن كۇندەر بولادى.

ەسكە سالا كەتەيىك، كەلەسى اپتادا قازاقستاندىقتاردى 2025-جىلعى سوڭعى مەرەكەلىك دەمالىس كۇتەدى – 16-جەلتوقساندا اتاپ وتىلەتىن تاۋەلسىزدىك كۇنى.