قازاقستاندىق وقۋشىلار ءۇندىستانداعى روبوتوتەحنيكا چەمپيوناتىندا 6 جوعارى ماراپات الدى

استانا. قازاقپارات - 25-28-قاڭتاردا قازاقستان قۇراماسى The Goa International Robotics Festival حالىقارالىق اشىق چەمپيوناتىنا قاتىستى. ەل نامىسىن ەكىباستۇز، قۇلسارى، الماتى جانە استانا قالالارىنىڭ وقۋشىلارى قورعادى.

ءۇش كۇندىك چەمپيوناتتىڭ قورىتىندىسى بويىنشا قۇراما قورجىنى ءۇش جاس ساناتىنداعى 6 جوعارى ناگرادامەن تولىقتى.

اتاپ ايتساق: FLL Explore  بويىنشا 6 جاستان 10 جاسقا دەيىن: «Challenge Solution» ماراپاتى - Billion Team كومانداسى، ەكىباستۇز قالاسىنىڭ «Robopark» روبوتوتەحنيكا مەكتەبى؛ «Team model - Jylyoi Tehnik» كومانداسى، قۇلسارى قالاسىنىڭ ە. حالىكوۆ اتىنداعى №7 جانە ا. س. پۋشكين اتىنداعى №6-مەكتەپ قۇرامالارى.

FLL Challenge ون جاستان 16 جاسقا دەيىن: «Engineering Excellence» ماراپاتى - Nova Fusion كومانداسى، استانا قالاسىنىڭ دارىندى قىزدارعا ارنالعان ليتسەي- ينتەرناتى؛

FTC بويىنشا 12 جاستان 18 جاسقا دەيىن: 1-ورىن Motivate award 1st Runner up» - Sana team» كومانداسى، الماتى قالاسىنىڭ ب ي ل؛ 1-ورىن Think award Winner» - xCellence» كومانداسى، استانا قالاسىنىڭ ف م ن ن ز م جانە Astana Garden School مەكتەپتەرىڭ قۇراماسى؛ 1-ورىن «Inspire award 1st Runner up» - Qazaq style كومانداسى، الماتى قالاسىنىڭ №124، №81، №178، №206، №200 مەكتەپتەرىنىڭ جانە تۇركىستان وبلىسى، جەتىساي قالاسىنىڭ №6-مەكتەبى.

«ءبىزدىڭ كوماندالارىمىز جارىسقا قاتىسۋ تاجىريبەسىنىڭ ازدىعىنا قاراماستان وتە جوعارى كاسىبي دەڭگەيىن بايقاتتى. چەمپيوناتتا تاماشا ويىن ورنەگىن كورسەتىپ، ءتول مادەنيەتىمىزدى پاش ەتتى. ەلىمىزگە شەتەلدىك كوماندالاردى شاقىرۋ ءۇشىن ۇلكەن جۇمىس اتقارىلدى. وسىلايشا، اقپان ايىندا استاناداعى ورتالىق ازيا ويىندارىنا ءۇندىستان مەن شري-لانكادان بىرنەشە كوماندا قاتىساتىنىن راستادى»، - دەدى «الماتى دارىنى» ورتالىعىنىڭ ءبولىم باسشىسى جاننا المۋسايەۆا.

ەستەرىڭىزگە سالا كەتەيىك، قازاقستاندىق وقۋشىلار وتكەن جىلدىڭ جەلتوقسان ايىندا وتكەن Almaty Tech Cup رەسپۋبليكالىق تۋرنيرىندە USTEM Foundation قوعامدىق قورى ق ر وقۋ-اعارتۋ مينيسترلىگى مەن الماتى قالاسى اكىمدىگىنىڭ قولداۋىمەن ۇيىمداستىرعان بولاتىن.