قازاقستاندىق تەننيسشىلەر قىتايداعى جارىستى جەڭىسپەن باستادى

 قازاقستاندىقتار يۋليا پۋتينتسيەۆا مەن اننا دانيلينا نينبو (قىتاي) WTA 250 ءتۋرنيرىن جەڭىسپەن باستادى، دەپ حابارلايدى قازاقپارات ءتىلشىسى.

قازاقستاننىڭ جەكەلەي سىنداعى ەكىنشى، الەمنىڭ 73-راكەتكاسى يۋليا پۋتينتسيەۆا باستاپقى كەزدەسۋىن دۇنيەجۇزىلىك رەيتينگتە 248-ورىندا تۇرعان اۋستراليالىق داريا ساۆيللمەن وتكىزدى.

قازاقستاندىق تەننيسشى 6:1, 6:4 ەسەبىمەن قينالماي ۇتتى. يۋليا پۋتينتسيەۆا شيرەك فينالعا شىعۋ ءۇشىن الەمنىڭ 14- ءىنشى، جارىستىڭ 2-راكەتكاسى، چەحيالىق پەترا كۆيتوۆا نەمەسە رەيتينگتە 112-ساتىداعى گەرمانيالىق اننا- لەنا فريدزامنىڭ بىرەۋىمەن تالاسادى.

قازاقستاننىڭ جۇپتىق سىنداعى ءبىرىنشى، الەمنىڭ 32-راكەتكاسى اننا دانيلينا رەسەيلىك الەكساندرا پانوۆامەن بىرگە شيرەك فينالعا شىقتى. دودانىڭ 2-راكەتكاسى بولىپ تىركەلگەن قازاقستاندىق- رەسەيلىك جۇپ العاشقى اينالىمدا نيدەرلاندتىق ارياننە حارتونو - اۋستراليالىق وليۆيا تياندرامۋليانى جولدان تايدىردى - 6:4، 7:5.

ا. دانيلينا مەن ا. پانوۆانىڭ كەلەسى قارسىلاستارى كەيىن انىقتالادى.

ەسكە سالا كەتەيىك، بۇدان بۇرىن قازاقستاندىق تەننيسشىلەردىڭ ازيا ويىندارىن ءساتتى باستاعانىن جازعان ەدىك.

سونداي- اق ەلەنا رىباكينا توكيو WTA 500 تۋرنيرىنەن نەگە باس تارتقانىن ءتۇسىندىردى.

ەلوردادا Astana Open ATP 250 ءتۋرنيرىنىڭ جەرەبەسى تارتىلدى.