قازاقستاندىق تەننيسشى قىتايداعى جارىستىڭ جارتىلاي فينالىنا شىقتى

قازاقستاننىڭ ەكىنشى، الەمنىڭ 81-راكەتكاسى يۋليا پۋتينتسيەۆا گۋانجوۋ (قىتاي) WTA 250 تۋرنيرىنىڭ جارتىلاي فينالىنا شىقتى، دەپ حابارلايدى قازاقپارات ءتىلشىسى.

قازاقستاندىق تەننيسشى شيرەك فينالدا الەمنىڭ 48- ءىنشى، وسى جارىستىڭ 3-راكەتكاسى، گەرمانيالىق تاتيانا ماريامەن شەبەرلىك تالاستىردى.

ءبىرىنشى پارتيادا قازاقستاندىق تەننيسشى 6:4 ەسەبىمەن باسىم ءتۇستى.

ەكىنشىسىندە ت. ماريا 5:3 ەسەبىمەن الدا تۇرىپ، سەتكە دوپ بەرگەندە، سول مۇمكىندىگىن پايدالانا المادى. دەگەنمەن ول تاي-برەيكتى ءوز ەسەبىنە جازدى - 7:6 (8:6).

ءۇشىنشى، شەشۋشى سەتتە پۋتينتسيەۆا بەت قاراتپادى - 6:0.

ءۇش ساعاتقا جۋىق ۋاقىتقا سوزىلعان ماتچتا يۋليا 1 ەيسپەن بىرگە 12 برەيك-پوينتتىڭ تەڭ جارتىسىن ءمۇلت جىبەرگەن جوق. تاتيانا 6 ەيس، 2 برەيكپەن (11 برەيك-پوينت) كوزگە ءتۇستى.

يۋليا پۋتينتسيەۆا فينالعا شىعۋ ءۇشىن الەمنىڭ 27- ءىنشى، دودانىڭ 1-راكەتكاسى، پولشا وكىلى ماگدا لينەتت نەمەسە رەيتينگتە 64-ساتىداعى يسپانيالىق رەبەكا ماشاروۆانىڭ بىرەۋىمەن سىنعا تۇسەدى.

قازاقستاننىڭ ەرلەر اراسىنداعى ءبىرىنشى، الەمنىڭ 29-راكەتكاسى الەكساندر بۋبليك چەندۋ (قىتاي) ATP 250 تۋرنيرىنىڭ العاشقى اينالىمدا رەيتينگتە 64-ورىندا تۇرعان امەريكالىق ماركوس گيرونعا ەسە جىبەردى - 6:7 (6:8)، 3:6.

ەسكە سالا كەتەيىك، بۇدان بۇرىن يۋليا پۋتينتسيەۆانىڭ قىتايداعى تۋرنيردىڭ شيرەك فينالىنا شىققانىن جازعان بولاتىنبىز.

سونداي-اق جازعى ازيا ويىندارىنا قاتىساتىن قازاقستان تەننيس قۇراماسى انىقتالدى.