قازاقستاندىق تەننيسشى جۇپتىق سىندا قىتايداعى جارىستىڭ شيرەك فينالىنا ءوتتى
قازاقستاندىق الەكساندر بۋبليك جۇپتىق سىندا چەندۋ (قىتاي) ATP 250 تۋرنيرىنىڭ شيرەك فينالىنا ءوتتى، دەپ حابارلايدى قازاقپارات ءتىلشىسى.
قازاقستاندىق تەننيسشى سەربيالىق ميومير كەتسمانوۆيچپەن بىرگە باستاپقى كەزدەسۋىن كولۋمبيالىق دانيەل ەلاحي گالان - پەرۋ وكىلى حۋان پابلو ۆاريلياسپەن ءساتتى وتكىزدى.
ءبىرىنشى پارتيادا بۋبليك - كەتسمانوۆيچ 6:4 ەسەبىمەن باسىم تۇسسە، ەكىنشى سەتتە ءتىپتى بەت قاراتپادى - 6:0. ءبىر ساعاتقا جۋىق ۋاقىتقا سوزىلعان باسەكە بارىسىندا ولار 1 ەيسپەن بىرگە 7 برەيك- پوينتتىڭ تورتەۋىن ءوز ەسەبىنە جازدى.
ا. بۋبليك - م. كەتسمانوۆيچتىڭ شيرەك فينالداعى قارسىلاستارى كەيىن انىقتالادى.
قازاقستاندىق تەننيسشى جۇلدە قورى 1,1 ميلليون ا ق ش دوللارىنان اساتىن جارىستا جەكەلەي سىندا دا ونەر كورسەتەدى.
الەمنىڭ 29-راكەتكاسى ا. بۋبليكتىڭ العاشقى قارسىلاسى - دۇنيەجۇزىلىك رەيتينگتە 64-ساتىدا تۇرعان امەريكالىق ماركوس گيرون.
ەسكە سالا كەتەيىك، بۇدان بۇرىن يۋليا پۋتينتسيەۆانىڭ قىتايداعى تۋرنيردى جەڭىسپەن باستاعانىن جازعان بولاتىنبىز.
