16:30, 05 - قاڭتار 2025 | GMT +5
قازاقستاندىق تاعى ءبىر بالۋان جاۋاپتى قىزمەتكە تاعايىندالدى
استانا. KAZINFORM - ەركىن كۇرەستەن ازيا چەمپيونى (2014)، ازيا ويىندارىنىڭ كۇمىس جۇلدەگەرى (2014) راسۋل قاليەۆ جاۋاپتى قىزمەتكە كىرىستى.
حالىقارالىق ارەنالاردا قازاقستان قۇراماسى ساپىندا بەلدەسكەن بالۋان كەيىننەن باپكەرلىك قىزمەتكە اۋىسقان ەدى. ەندى بالۋان الماتى قالاسى بويىنشا كۇرەس فەدەراتسياسىنىڭ ەركىن كۇرەس بولىمىنە جاۋاپتى بولىپ بەكىتىلدى.
راسۋل قاليەۆ 1991-جىلى بۇرىنعى سەمەي وبلىسىنىڭ جارما اۋدانىندا دۇنيەگە كەلگەن. ازيا چەمپيونى اتاعىمەن قاتار، 2013-جىلى نيۋ-دەليدە قولا جۇلدە دە العان.
ايتا كەتەيىك، بۇعان دەيىن بەلگىلى بالۋان ماقسات ەرەجەپوۆ قوستاناي وبلىسىنىڭ گرەك-ريم، ەركىن جانە ايەلدەر كۇرەسى فەدەراتسياسىنىڭ پرەزيدەنتى بولىپ تاعايىندالعان ەدى.
