قازاقستاندىق تاۋار بيرجاسىندا كۇكىرت ساۋداسى باستالدى
استانا. KAZINFORM - كۇكىرت نەگىزگى ەكسپورتتىق تاۋارلاردىڭ ءبىرى جانە تىڭايتقىش پەن كۇكىرت قىشقىلى وندىرىسىندە جانە مۇناي- حيميا سالاسىندا كەڭىنەن قولدانىلادى.
بۇل رەسۋرستىڭ بيرجالىق ساۋداسى باعانىڭ اشىقتىعىن ارتتىرادى جانە بارلىق ويىنشىلار ءۇشىن تەڭ جاعدايلارى بار تۇراقتى نارىقتى قالىپتاستىرۋعا ىقپال ەتەدى.
بۇگىن «كاسپي» تاۋار بيرجاسىندا اگروونەركاسىپتىك جانە حيميالىق سەكتورلار ءۇشىن ستراتەگيالىق ماڭىزدى ءونىم - تەحنيكالىق تۇيىرشىكتەلگەن كۇكىرتتىڭ ساۋداسى ۇيىمداستىرىلدى.
«قوس اۋكسيون رەجيمىندە كۇكىرت ساۋداسىن باستاۋ - بۇل ونەركاسىپتىك تاۋارلاردىڭ بيرجالىق ساۋداسىن دامىتۋداعى ماڭىزدى قادام. ءبىز ءاربىر تاۋار ادال جانە اشىق ساتىلاتىن، ال وندىرۋشىدەن سوڭعى تۇتىنۋشىعا دەيىنگى بارلىق نارىق قاتىسۋشىلارى ءادىل باعاعا تەڭ قول جەتكىزە الاتىن ينفراقۇرىلىمدى قالىپتاستىرۋدى جالعاستىرا بەرەمىز»، - دەپ اتاپ ءوتتى تاۋار بيرجاسى پرەزيدەنتى مۇرات قاديسوۆ.
ايتا كەتەيىك، بۇعان دەيىن ءبىر كۇننىڭ ىشىندە تاۋار بيرجاسى ارقىلى 23000 توننا استىق ساتىلعانى حابارلاندى.
