22:40, 30 - ماۋسىم 2025 | GMT +5
قازاقستاندىق ەركىن كۇرەس شەبەرلەرى تۇركياداعى تۋرنيردە بەس مەدال جەڭىپ الدى
استانا. KAZINFORM - قازاقستان قۇراماسى ەركىن كۇرەستەن تۇركيانىڭ كودجاەلي قالاسىندا وتكەن حالىقارالىق تۋرنيردە ءساتتى ونەر كورسەتتى.
ق ر ۇ و ك مالىمەتىنشە، ءبىزدىڭ قۇراما جارىستى بەس مەدالمەن اياقتادى.
جەڭىس تۇعىرىنىڭ ەڭ بيىك ساتىسىنا نۇرقوجا قايپانوۆ (74 كەلىگە دەيىن) پەن ريزابەك ايتمۇحان (97 كەلىگە دەيىن) كوتەرىلدى.
سونىمەن قاتار كوماندا قورجىنىنا ءۇش كۇمىس مەدال ءتۇستى. ناچىن كۋۋلار (70 كەلىگە دەيىن)، ازامات داۋلەتبەكوۆ (86 كەلىگە دەيىن) جانە الىشەر ەرعالي (125 كەلىگە دەيىن) ەكىنشى ناتيجە كورسەتتى.
قازاقستان كوماندالىق ەسەپتە تۇركياعا ەسە جىبەرىپ، ەكىنشى ورىنعا يە بولدى. ءۇشىنشى ورىن بولگارياعا بۇيىردى.
ايتا كەتەيىك، قازاق كۇرەسىنەن ەكى دۇركىن الەم چەمپيونى مۇحيت تۇرسىنوۆ جاستارعا ۇندەۋ جاسادى.
