قازاقستاندىق مەرگەندەر ازيا چەمپيوناتىنان التىن الدى

ەل-كۋۆەيت. KAZINFORM - قازاقستاندىق مەرگەندەر الىشەر ايسالبايەۆ پەن ماريا دميترەنكو كۋۆەيت استاناسىندا ستەند اتۋدان ءوتىپ جاتقان ليتسەنزيالىق ازيا چەمپيوناتىندا جەڭىمپاز اتاندى.

سپورتتى دامىتۋ ديرەكتسياسىنان ءمالىم ەتكەندەي، قازاقستاندىقتار تراپ باعدارلاماسى بويىنشا جۇپتىق باسەكەدە 140 ۇپاي جيناپ، توپ جاردى.

يراندىقتار موحامماد بەيرانۆاند - مارزي پارۆارەش 137 ۇپايمەن ەكىنشى ورىنعا شىقسا، قىتايلىقتار يۋحاو گو - سياوتسزين ۆان (136 بال) ۇزدىك ۇشتىكتى تۇيىندەدى.

كەشە ماريا دميترەنكو جەكەلەي جانە كوماندالىق سىندا ەكى قولا جۇلدەنى جەڭىپ العان ەدى.

ستەند اتۋدان ازيا چەمپيوناتى 22- قاڭتارعا دەيىن سوزىلادى.

اتالمىش جارىستا 35 ەلدەن كەلگەن 350 دەن استام مەرگەن باق سىناۋدا.

سكيت جانە تراپ باعدارلاماسى بويىنشا قازاقستاننان 18 سپورتشى ونەر كورسەتەدى.

ەسكە سالا كەتەيىك، بۇدان بۇرىن قازاقستاندىق مەرگەننىڭ ازيا چەمپيوناتىنىڭ قولا جۇلدەگەرى اتانعانىن جازعان بولاتىنبىز.