قازاقستاندىق مەرگەندەر الەم كۋبوگىندا تاعى جۇلدە الدى

оқ ату
Фото: Спортты дамыту дирекциясы

  كاير. KAZINFORM - وق اتۋدان كايردە (مىسىر) ءوتىپ جاتقان الەم كۋبوگىنىڭ كەزەڭىندە قازاقستان قۇراماسى ەكىنشى جۇلدەگە قول جەتكىزدى.

سپورت كوميتەتىنەن ءمالىم ەتكەندەي، وق اتۋدان مىسىر ەلىنىڭ استاناسى كايردە ءوتىپ جاتقان رەيتينگتىك الەم كۋبوگىندا پنيەۆماتيكالىق تاپانشادان 10 مەتردەن نىسانا كوزدەۋ سايىسىندا ۆالەري راحيمجان مەن يرينا يۋنۋسمەتوۆا ارالاس جۇبى قولا جۇلدەگە يە بولدى.

ەستەرىڭىزگە سالا كەتەيىك، كەشە يرينا يۋنۋسمەتوۆا جەكەلەي سىندا 10 مەتر قاشىقتىقتان پنيەۆماتيكالىق تاپانشامەن اتۋ سايىسىندا قولا جۇلدە العانىن جازعان بولاتىنبىز.

ايتا كەتەيىك، ەگيپەتتە ۇيىمداستىرىلىپ جاتقان باسەكەدە الەمنىڭ 66 ەلىنەن 678 سۇرمەرگەن باق سىناپ جاتىر.

جارىس 1-اقپانعا دەيىن جالعاسادى.

ەستەرىڭىزگە سالا كەتەيىك وسىعان دەيىن كايردە (ەگيپەت) ءوتىپ جاتقان الەم كۋبوگىنىڭ كەزەڭىندە ەل نامىسىن كىمدەر قورعايتىنىن جازعان بولاتىنبىز.

اۆتور

كۇنسۇلتان وتارباي

سوڭعى جاڭالىقتار