قازاقستاندىق مەرگەن ىرىكتەۋ كەزەڭىندە ءساتتى ونەر كورسەتتى

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا قازاقستاندىق مەرگەن نيكيتا چيريۋكين ىرىكتەۋ كەزەڭىنىڭ العاشقى اينالىمىندا باق سىنادى.

نيكيتا چيريۋكين تاپانشا اتۋدان (25 م) ىرىكتەۋ كەزەڭىنىڭ ءبىرىنشى اينالىمىندا سىنعا ءتۇسىپ، 293 ۇپاي ەنشىلەدى. ناتيجەسىندە وتانداسىمىز 29 سپورتشى قاتىسقان جارىستا 6-ورىنعا تابان تىرەدى.

ىرىكتەۋ كەزەڭىنىڭ ەكىنشى اينالىمى بۇگىن، 4-تامىزدا ساعات 16:00-دە باستالادى. ۇزدىك شىققان 6 مەرگەن فينالدىق كەزەڭگە جولداما الادى.

ەسكە سالا كەتەيىك، بۇعان دەيىن قازاقستاندىق نورا دجەرۋتو وليمپيادا فينالىنا شىقتى.

 

اۆتور
كۇنسۇلتان وتارباي