قازاقستاندىق ماسكەۋدە وتكەن حالىقارالىق بايقاۋدا I ورىندى يەلەندى

استانا. KAZINFORM - قازاق ۇلتتىق ونەر ۋنيۆەرسيتەتىنىڭ «ۆوكالدىق ونەر» كافەدراسىنىڭ 4-كۋرس ستۋدەنتى نۇرسۇلتان انۋاربەك ماسكەۋدە وتكەن XXVIII حالىقارالىق «رومانسيادا-2024» ورىس رومانسى بايقاۋىندا ءبىرىنشى ورىندى يەلەندى.

مادەنيەت جانە اقپارات مينيسترلىگى باسپا ءسوز قىزمەتىنىڭ مالىمەتىنشە، «رومانسيادا» - رەسەي فەدەراتسياسىنىڭ مادەنيەت مينيسترلىگىنىڭ قولداۋىمەن وتكىزىلەتىن ماڭىزدى بايقاۋ.

بيىل بۇل بايقاۋ 28 - رەت ءوتىپ، ت م د ەلدەرى مەن ەۋروپادا ايماقتىق كەزەڭدەرى ۇيىمداستىرىلدى.

وسى كەزەڭدەردىڭ جەڭىمپازدارى ماسكەۋدە وتەتىن فينالعا جولداما الدى.

قازاقستاندا بۇل بايقاۋ «قازاق رومانسياداسى» اتاۋىمەن تۇركىستان قالاسىندا وتەدى. وندا دا نۇرسۇلتان انۋاربەك جەڭىسكە جەتكەن بولاتىن.

نۇرسۇلتان انۋاربەك يتاليادا وتكەن «Caruso - De Curtis» حالىقارالىق بايقاۋىندا ءبىرىنشى ورىن، سونداي- اق «قازاق رومانسياداسى» بايقاۋىندا گران- پري يەگەرى. باسقا دا كوپتەگەن بەدەلدى بايقاۋلاردىڭ لاۋرەاتى.

سونىمەن قاتار، ول بىرنەشە رەسپۋبليكالىق بايقاۋلاردىڭ جۇلدەگەرى.