قازاقستاندىق كونكيمەن جۇگىرۋشى كانادادا وتكەن تۋرنيردە رەكورد ورناتتى

استانا. KAZINFORM - قازاقستاندىق الينا داۋرانوۆا كونكيمەن جۇگىرۋدەن الەم چەمپيوناتىندا 1 000 مەترگە جۇگىرۋدە جەكە رەكورد ورناتتى. بۇل تۋرالى Sports.kz جازدى.

سپورتشى بۇل قاشىقتىقتى 1 مينۋت 15,24 سەكۋندتا باعىندىرىپ، 13-ورىنعا تابان تىرەدى جانە جەرلەستەرى اراسىندا ۇزدىك اتاندى.

جارىستى ەكاتەرينا ايدوۆا 14- ءشى (1:15.29)، ينەسسا شۋمەكوۆا 24- ءشى (1:18.57) ورىنمەن اياقتادى.

كانادانىڭ كالگاري قالاسىنداعى جارىس 18- اقپاندا اياقتالادى. تۋرنيردە ساراپقا سالىناتىن ءتورت مەدال جيىنتىعى قالدى. قازاقستاندىقتاردىڭ ىشىنەن جەكسەنبى كۇنى تەك ايدوۆا قاتىسادى - ول 1500 مەتر قاشىقتىقتا سايىسقا تۇسەدى.