قازاقستاندىق كاسىپقوي بوكسشى امەريكالىق بوكسشىنى تەحنيكالىق نوكاۋتپەن جەڭدى

استانا. KAZINFORM - قازاقستاندىق كاسىپقوي بوكسشى سادريددين احمەدوۆ (15-0، 12 ك و) كەزەكتى جەكپە-جەگىن نوكاۋتپەن اياقتادى.

سانتا-ينەزدە (ا ق ش) وتكەن Hollywood Fight Nights بوكس كەشىندە وتانداسىمىز امەريكالىق بوكسشى رافاەل يگبوكۆەمەن (17-6، 7 ك و) قولعاپ ءتۇيىستىردى. جەكپە-جەك 10 راۋندقا جوسپارلاندى. الايدا سادريددين 7-راۋندتا قارسىلاسىن نوكاۋتپەن جەڭدى.

وسىلايشا، احمەدوۆ كاسىپقوي مانسابىنداعى ون بەسىنشى جەڭىسىن تويلادى. ال يگبوكۆە التىنشى رەت جەڭىلدى.

ءبىر قىزىعى، اتالعان تۋرنيردى گەننادي گولوۆكيننىڭ پروموۋتەرى توم لەففلەر ۇيىمداستىرسا، قازاقستاندىق بوكسشىنى جەكپە-جەككە گەننادي گولوۆكيننىڭ بۇرىنعى باپكەرى ابەل سانچەس دايىندادى.

ۇزاق ۇزىلىستەن كەيىن بوكسقا قايتا ورالعان سادريددين امەريكادا ەكىنشى جەكپە-جەگىن وتكىزىپ وتىر. بۇعان دەيىن قازاق بوكسشىسى كانادادا جاتتىعىپ، سول ەلدە ونەر كورسەتىپ ءجۇردى.

ەستەرىڭىزگە سالا كەتەيىك، بۇعان دەيىن 1-قىركۇيەكتە س. احمەدوۆ امەريكالىق انتونيو توددتى (17-12، 9 ك و) ءبىرىنشى راۋندتا-اق نوكاۋتقا تۇسىرگەن بولاتىن.