قازاقستاندىق ءانشىنىڭ «جۇرەك» ءانى الەۋمەتتىك جەلىلەردە 5 ميلليارد رەت تىڭدالعان
استانا. KAZINFORM - قازاقستاندىق ءانشى Adam-نىڭ «جۇرەك» اتتى ءانى بۇكىل الەمگە تانىلدى. ءتىپتى الەۋمەتتىك جەلىلەردە 5 ميلليارد رەت تىڭدالعان. بۇل تۋرالى Facebook الەۋمەتتىك جەلىسىندەگى پاراقشاسىنا قامبار وماروۆ اتتى قولدانۋشى جازدى.
از ۋاقىتتا حيت بولعان ءاندى ازيا، ەۆروپا ءتىپتى وڭتۇستىك امەريكا تىڭدايدى. «جۇرەك» ءانى Shazam الەمدىك رەيتينگىسىندە 13 ورىنعا شىققان. YouTube كانالىنداعى كليپى 52 ميلليون كورىلىم جيناعان. ءتىپتى tiktok الەۋمەتتىك جەلىسىندە ۆيرۋسقا اينالدى. ءان سۇيەر قاۋىم ءتۇرلى كاۆەرلەر جازا باستاعان.
«ءاندى ورىندايتىن ءانشىنىڭ شىن ەسىمى فاررۋح توحتامۋراتوۆ. ول جامبىل وبلىسىنىڭ مەركى قالاسىندا ومىرگەن كەلگەن. ونەر الەمىندە Adam اتتى شىعارماشىلىق بۇركەنشىك ەسىممەن تانىلعان» - دەپ جازدى اۆتور.
ءانشى ءوز تۋىندىسىنىڭ مۇنداي فەنومەنگە اينالعانىنا تاڭقالعانىن جاسىرمادى. ونىڭ ويىنشا، جۇرەكتەن شىققان ءان ميلليونداردىڭ جۇرەگىنە جول تابا ءبىلدى.
